Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Прыйдзіце, паклонімся Пану, / вялікаму Каралю.

Псальм 95 (94)
Заахвочванне да праслаўлення Бога

Настаўляйце адзін аднаго штодня, пакуль можна казаць «сёння» (Гбр 3, 13) 

Прыйдзіце, заспяваем Пану, *
усклікнем Богу – скале нашага збаўлення.

Станем з падзякаю перад абліччам Ягоным, *
у песнях усклікнем Яму.

Ант. Прыйдзіце, паклонімся Пану, / вялікаму Каралю.

Таму што Бог – вялікі Пан *
і Валадар вялікі над усімі багамі,

у руцэ Ягонай глыбіні зямлі, *
і вяршыні гор – Ягоныя.

Мора належыць Яму, і Ён стварыў яго, *
і сушу стварылі Ягоныя рукі.

Ант. Прыйдзіце, паклонімся Пану, / вялікаму Каралю.

Прыйдзіце, паклонімся і ўпадзем, *
укленчым перад Панам, які нас стварыў.

Бо Ён – наш Бог, *
а мы – народ Ягонай пашы і авечкі рукі Ягонай.

Ант. Прыйдзіце, паклонімся Пану, / вялікаму Каралю.

О, каб вы паслухалі сёння Ягоны голас: †
«Не рабіце жорсткімі сэрцы вашыя, *
як у Мэрыбе, як на пустыні ў дзень Масы,

дзе Мяне спакушалі айцы вашыя, *
выпрабоўвалі Мяне, хоць і бачылі справы Мае.

Ант. Прыйдзіце, паклонімся Пану, / вялікаму Каралю.

Сорак гадоў выклікала агіду ўва Мне гэтае пакаленне, *
і Я сказаў: Гэта народ, які блукае сэрцам,

яны не пазналі Маіх дарог, †
таму пакляўся Я ў гневе сваім, *
што яны не ўвойдуць у Мой адпачынак».

Ант. Прыйдзіце, паклонімся Пану, / вялікаму Каралю.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Прыйдзіце, паклонімся Пану, / вялікаму Каралю.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Божа ў Тройцы Найсвяцейшы,
Творца ладу ў сусвеце,
Дзень прызначыў Ты для працы,
Ноч – для сну і адпачынку.

На світанні Цябе славім,
Днём і ўвечары таксама.
Захавай нас ад правінаў
Моцаю сваёй улады.

У пакоры Твае слугі
Сёння славяць Цябе, Божа.
Хай далучыцца наш голас
Да хвалы, што льецца ў небе.

Хай хвала Айцу няспынна,
Сыну і Святому Духу
Напаўняе зямлю, неба
Ад удзячнага стварэння. Амэн.

ПСАЛЬМОДЫЯ

1 ант. Пан будзе судзіць * убогіх справядліва.

Псальм 10 (9 В)
Падзяка

Шчаслівыя ўбогія, бо ваша ёсць Валадарства Божае (Лк 6, 20)

І (1-11)

Чаму, Пане, стаіш здалёк, *
хаваешся ў гадзіну смутку?

У ганарлівасці бязбожны пераследуе беднага: *
няхай трапяць у пасткі, якія выдумалі.

Бо бязбожны хваліцца жаданнямі сваёй душы, *
ахвочы да блюзнерства, пагарджае Панам.

У ганарыстасці сваёй бязбожны кажа: *
«Няма Бога, Ён не адпомсціць».

Вось усе яго думкі; *
паспяховыя шляхі яго ва ўсе часы.

Далёка суды Твае ад яго; *
усіх ворагаў сваіх ён мае за нішто.

Ён гаворыць у сэрцы сваім: «Я ніколі не пахіснуся, *
з пакалення ў пакаленне не зазнаю бяды».

Яго вусны поўныя праклёну, подступу і здрады, *
а пад яго языком – мучэнне і згуба.

Сядзіць у засадзе за дварамі, у патаемных месцах, †
і забівае нявіннага, *
вочы яго сочаць за бедным.

Ён укрываецца ў засадзе, як леў у сваім логаве, †
укрываецца, каб схапіць беднага; *
хапае беднага і цягне ў сваю сетку.

Схіляецца, прысядае, *
і няшчасныя трапляюць у ягоную моц.

Кажа ў сэрцы сваім: «Бог забыўся, *
схаваў аблічча сваё, не ўбачыць ніколі».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Пан будзе судзіць * убогіх справядліва.

2 ант. Ты, Пане, бачыш * мучэнне і смутак.

ІІ (12-18)

Устань, Пане; Божа, падымі руку сваю, *
не забывайся пра бедных.

Чаму бязбожны пагарджае Богам *
і думае ў сэрцы сваім, што Ты не адпомсціш?

Аднак Ты гэта бачыш: †
і мучэнне, і смутак, *
глядзіш, каб аддаць сваёй рукою.

На Цябе абапіраецца няшчасны, *
сіраце Ты – дапамога.

Зламай плячо грэшніка і нягоднага, *
адпомсці за злачынства яго, каб не паўтарылася.

Пан – Валадар на векі вечныя, *
язычнікі знікнуць з Ягонай зямлі.

Выслухай, Пане, просьбы бедных, *
умацуй іхняе сэрца і схілі сваё вуха,

каб абараніць правы сіраты і прыгнечанага, *
каб чалавек з зямлі больш не наводзіў страх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Ты, Пане, бачыш * мучэнне і смутак.

3 ант. Словы Пана – гэта чыстыя словы, * срэбра, у горне ачышчанае.

Псальм 12 (11)
Заклік супраць ганарыстых

Дзеля нас, убогіх, Айцец паслаў Сына (св. Аўгустын)

Ратуй, Пане, бо не стала пабожнага, *
бо няма вернага сярод сыноў чалавечых.

Кожны хлусіць бліжняму свайму, *
ілжывымі вуснамі і ад сэрца няшчырага гавораць яны.

Няхай Пан знішчыць усе ілжывыя вусны, *
і язык, які гаворыць дзёрзка;

і тых, хто кажа: «Языком нашым пераможам, *
вусны нашыя з намі, хто ж гаспадар над намі?»

«З-за прыгнёту бедных і стогну ўбогіх †
Я паўстану цяпер, – кажа Пан, – *
і дам ратунак таму, хто яго прагне».

Словы Пана – гэта чыстыя словы, †
срэбра, у горне ачышчанае ад зямлі *
і пераплаўленае сем разоў.

Ты, Пане, зберажэш нас *
і захаваеш нас ад пакалення гэтага навекі.

Бязбожнікі ходзяць вакол, *
і шырыцца іх зло між сыноў чалавечых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Словы Пана – гэта чыстыя словы, * срэбра, у горне ачышчанае.

К. Пан кіруе прыніжанымі ў справядлівасці.
Н. Навучае пакорных шляхам cваім.

ПЕРШАЕ ЧЫТАННЕ
Другая кніга Самуэля 2, 1-11; 3, 1-5 

Давід намашчаны на караля Юдэі ў Геброне

У тыя дні: Калі пасля гэтага Давід спытаўся ў Пана, кажучы: «Ці ісці мне ў які-небудзь горад Юды?» Пан адказаў яму: «Ідзі». Давід пытаўся далей: «Куды мне ісці?» І Пан адказаў: «У Геброн». Тады пайшоў Давід туды і абедзве жонкі ягоныя, Ахінаам з Ізрээля і Абігайль, былая жонка Набаля з Кармэля. Прывёў Давід сваіх людзей, якія былі з ім, кожнага з сям’ёй ягонай, і пасяліліся яны ў горадзе Геброне. Пасля прыйшлі мужы з Юдэі і намасцілі там Давіда на караля над домам Юды.

І данеслі Давіду, што жыхары Ябэш-Гілеада пахавалі Саўла. Тады выправіў Давід пасланнікаў да жыхароў Ябэш-Гілеада сказаць ім: «Благаслаўлёныя вы Панам за тое, што вы былі міласэрныя да гаспадара свайго Саўла і што пахавалі яго. Цяпер жа няхай Пан будзе ласкавы і верны для вас. Я таксама буду добры да вас за тое, што вы гэта зрабілі. Няхай сёння ўмацуюцца рукі вашыя, каб вы былі моцнымі, бо гаспадар ваш Саўл памёр, а мяне намасціў дом Юды на свайго караля».

Але Абнэр, сын Нэра, правадыр войска Саўла, узяў Ішбааля, сына Саўла, і прывёў яго ў Маханаім. Ён устанавіў яго каралём Гілеада, Ашура і Ізрээля, Эфраіма і Бэньяміна, і ўсяго Ізраэля. Ішбааль, сын Саўла, меў сорак гадоў, калі пачынаў валадарыць над Ізраэлем, і панаваў два гады. Толькі дом Юды застаўся з Давідам. Усяго Давід быў каралём у Геброне над домам Юды сем гадоў і шэсць месяцаў.

Была працяглая вайна паміж домам Саўла і домам Давіда. Але Давід усё больш узмацняўся, а дом Саўла ўсё больш занепадаў.

У Давіда ў Геброне нарадзілася шэсць сыноў. Яго першынцам быў Амнон ад Ахінаамы з Ізрээля. Другім ягоным сынам быў Кілеаб ад Абігайль, былой жонкі Набаля з Кармэля; трэцім – Абсалом, сын Маахі, дачкі Талмая, караля Гешура; чацвёртым – Адоній, сын Хагіты; пятым – Шэфат, сын Абіталі, а шостым – Етрэам ад Эглы, жонкі Давіда. Усе яны нарадзіліся ў Давіда ў Геброне.

РЭСПАНСОРЫЙ Быц 49, 10. 8ас
Н. Не будзе аднята жазло ад Юды і кій пастыра ад ног ягоных, * пакуль не прыйдзе той, каму яно належыць, і каго будуць слухацца народы.
К. Юда, цябе славіць будуць браты твае, паклоняцца табе сыны айца твайго.
Н. Пакуль не прыйдзе той, каму яно належыць, і каго будуць слухацца народы.

ДРУГОЕ ЧЫТАННЕ
Казанне св. Аўгустына, біскупа

(Serm. 47, 12-14, De ovibus: CCL 41, 582-584)
Калі б я дагаджаў людзям, то не быў бы слугою Хрыста

«Бо хвала нашая – гэта сведчанне сумлення нашага» (2 Кар 1, 12). Ёсць людзі, якія легкадумна абмаўляюць, пляткараць, наракаюць, намагаюцца выдумаць тое, чаго не бачаць, і расказваць пра тое, чаго нельга падазраваць. Адносна такіх людзей нам застаецца штосьці іншае, а не сведчанне нашага сумлення. Браты мае! Нават у тых, каму хочам падабацца, мы не шукаем і не павінны шукаць нашай славы. Жадаем толькі дабра тым, хто, наследуючы нас, не заблукае, калі мы будзем адпаведна паступаць. Калі мы наследуем Хрыста, няхай наследуюць нас, калі ж не наследуем, няхай наследуюць Хрыста. Ён сам вядзе аўчарню і з усімі добрымі пастырамі стварае адно, бо ўсе яны ёсць у Ім.

Калі ж мы імкнемся дагаджаць людзям, то не шукаем сваёй карысці, але прагнем радавацца з імі, цешыцца з таго, што яны любяць дабро не дзеля нашай хвалы, але сабе на карысць. Тым, хто клапоціцца пра сваю славу, Апостал кажа: «Калі б я і дагэтуль дагаджаў людзям, то не быў бы слугою Хрыста!» (Гал 1, 10). Ім жа сказаў таксама: «Імкніцеся падабацца ўсім ва ўсіх справах, як і я стараюся дагадзіць усім ва ўсім» (пар. 1 Кар 10, 33). Абодва выказванні празрыстыя, абодва спакойныя, абодва чыстыя і беззаганныя. Таму спажывай і пі, але не знішчай пашы і не муці вады.

Чуў таксама словы Пана нашага Езуса Хрыста, Настаўніка Апосталаў: «Няхай святло ваша так свеціць перад людзьмі, каб яны бачылі вашы добрыя ўчынкі і праслаўлялі Айца вашага, які ў нябёсах» (Мц 5, 16), гэта значыць таго, які вас такімі ўчыніў. «Мы – народ Ягонай пашы і авечкі рукі Ягонай» (Пс 95 [94], 7). Таму няхай толькі той, хто зрабіў цябе добрым, атрымлівае хвалу, калі толькі ты такі, aле не ты сам, бо сам па сабе ты можаш быць толькі дрэнным. Чаму ж ты стараешся змяніць адпаведны парадак рэчаў, шукаючы пахвалы, калі зрабіў штосьці добрае, а калі зробіш штосьці дрэннае, спрабуеш абвінавачваць Пана? Той жа, хто сказаў: «Няхай святло ваша так свеціць перад людзьмі» (Мц 5, 16), сказаў у той самай прамове: «Глядзіце, не чыніце справядлівасці вашай перад людзьмі» (Мц 6, 1). Гэтыя словы Евангелля напэўна здаюцца табе супярэчлівымі, падобна як у папярэднім выказванні Апостала. Аднак, калі не замуціш вады твайго сэрца, то таксама і ў гэтым месцы заўважыш дасканалую здольнасць Пісання і сам будзеш з ім у згодзе.

Таму, пастараемся, браты, не толькі добра жыць, але таксама добра паводзіць сябе перад людзьмі. Пастараемся мець не толькі чыстае сумленне, але таксама, наколькі дазваляе нашая слабасць і ўсведамленне сваёй немачы, нічога не рабіць з таго, што магло б стаць прычынай падазронасці з боку слабага брата. Маецца на ўвазе тое, каб мы самі, калі будзем піць чыстую ваду і спажываць чыстую траву, не тапталі пашы Бога і каб авечкі не былі вымушаныя пасвіцца на патаптанай пашы і піць мутную ваду.

РЭСПАНСОРЫЙ Флп 2, 2. 3-4; 1 Тэс 5, 14b. 15b
Н. Дапоўніце радасць маю, каб вы думалі тое самае, мелі тую самую любоў, былі аднадушнымі і аднадумцамі; у пакоры лічыце адзін аднаго вышэйшым за сябе. * Не клапаціцеся кожны толькі пра сваё, але і пра іншых.
К. Апякуйцеся хворымі, будзьце доўгацярплівымі да ўсіх; рабіце заўсёды адзін аднаму і ўсім тое, што добрае.
Н. Не клапаціцеся кожны толькі пра сваё, але і пра іншых.

МАЛІТВА

Божа, наш Ойча, Ты ўчыніў нас дзецьмі святла дзякуючы ласцы ўсынаўлення, не дапусці, каб нас агарнула цемра няправеднасці, але дапамажы, каб мы заўсёды жылі ў святле Тваёй праўды. Праз Пана нашага Езуса Хрыста, Твайго Сына, якi з Табою жыве i валадарыць у еднасцi Духа Святога, Бог, праз усе вякi вечныя. Амэн.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Заранка зямлі прадвяшчае,
Што сонца ўжо узыходзіць,
Колеры рэчаў у свеце
Святлом сваім азарае.

Спрадвечнае Сонца, Хрыстэ,
Ты наша жыццё асвятляеш.
Гімны Табе мы спяваем,
Стварэнне Цябе ўслаўляе.

Пазнанне Айца і Слова,
Ў Табе існуе ўсё жывое.
Ладам сваім захапляеш
Розум людскі і сэрца.

Дзецьмі святла ўчыні нас,
Каб сталі сведкамі веры.
Каб ласку Айца абвяшчалі
Словы нашы і чыны.

Вусны хай нашы заўсёды
Тваю абвяшчаюць праўду,
Бо слодыччу і вяселлем
Яна душу напаўняе.

О Хрыстэ, наш Валадару,
Табе з Айцом Тваім разам,
З Духам Святым суцяшэння
Няхай гучыць вечная слава. Амэн.

ПСАЛЬМОДЫЯ

1 ант. Той, у каго рукі бязвінныя і чыстае сэрца, * узыдзе на гару Пана.

Псальм 24 (23)
Прыйсце Пана ў святыню

Нябесныя брамы адчынены для Хрыста, дзеля Яго цялеснага ўнебаўшэсця (св. Ірэнэй)

Пану належыць зямля і ўсё, што на ёй, *
сусвет і ўсё, што жыве ў ім.

Бо Ён заснаваў яго на морах *
і на рэках умацаваў яго.

Хто ўзыдзе на гару Пана, *
і хто стане на святым месцы Ягоным?

Той, у каго рукі бязвінныя і чыстае сэрца, †
хто не схіляў душы да марнасці *
і не прысягаў фальшыва.

Ён атрымае благаслаўленне ад Пана *
і ўзнагароду – ад Бога, свайго Збаўцы.

Вось пакаленне тых, хто Яго шукае, *
хто шукае аблічча Твайго, Бог Якуба.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто ж гэты Кароль славы? †
Пан, моцны і магутны, *
Пан, магутны ў барацьбе.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто Ён, гэты Кароль славы? *
Пан Магуццяў, Ён Кароль славы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Той, у каго рукі бязвінныя і чыстае сэрца, * узыдзе на гару Пана.

2 ант. Узвялічвайце Караля вякоў * сваімі справамі.

Песня (Тоб 13, 2-8)
Бог, які карае і ратуе

Благаслаўлёны Бог і Айцец нашага Пана Езуса Хрыста, які праз вялікую міласэрнасць сваю адрадзіў нас (1 П 1, 3)

Благаслаўлёны Бог, які жыве, навекі, *
і Ягонае валадарства,

бо Ён карае і праяўляе міласэрнасць, *
зводзіць уніз аж да адхлані

і ўзнімае веліччу сваёй са згубы, *
няма таго, хто пазбегне Ягонай рукі.

Вызнавайце Яго, сыны Ізраэля, перад народамі, †
бо Ён сам рассеяў вас сярод іх *
і нават там паказаў сваю веліч.

Узносьце Яго перад кожным жывым, †
бо Ён наш Пан і Ён Айцец наш, *
Ён Бог наш на векі вякоў.

За беззаконні вашыя Ён пакараў вас, *
але злітуецца над вамі ўсімі

і збярэ вас між усіх народаў, *
сярод якіх вы былі рассеяны.

Калі вы вернецеся да Яго †
ўсім сваім сэрцам і ўсёй сваёй душою, *
каб справядліва паступаць перад Ім,

тады Ён вернецца да вас *
і больш не будзе хаваць ад вас свайго аблічча.

Цяпер паглядзіце на тое, што Ён вам зрабіў, *
і вызнавайце Яго ва ўвесь свой голас.

Благаслаўляйце Пана справядлівасці *
і ўзвялічвайце Караля вякоў.

На зямлі маёй няволі Яго вызнаю *
і паказваю Ягоную моц і веліч грэшнаму народу.

Навярніцеся, грэшнікі, *
і паступайце справядліва перад Ім.

Хто ведае, можа будзе ласкавы *
і праявіць да вас міласэрнасць?

Я і мая душа радасна славім Караля нябёсаў, *
мая душа будзе радавацца ва ўсе дні майго жыцця.

Благаслаўляйце Пана, усе выбраныя, †
і ўсе хваліце Ягоную веліч. *
Праводзьце ў радасці дні і дзякуйце Яму.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Узвялічвайце Караля вякоў * сваімі справамі.

3 ант. Праведным прыстоіць * спеў хвалы.

Псальм 33 (32)
Хвала Божага Провіду

Усё праз Яго сталася (Ян 1, 3)

Радуйцеся ў Пану, справядлівыя, *
праведным прыстоіць спеў хвалы.

Слаўце Пана на гуслях, *
грайце Яму на дзесяціструннай арфе.

Спявайце Яму новую песню, *
прыгожа грайце Яму і гучна.

Праўдзівае слова Пана, *
і ўсе ўчынкі Ягоныя верныя.

Ён любіць справядлівасць і правасуддзе, *
міласэрнасцю Пана поўніцца зямля.

Словам Пана створаны нябёсы, *
дыханнем Яго вуснаў – уся іхняя моц.

Ён воды марскія збірае, быццам у мех, *
бездані складвае ў сховах.

Няхай баіцца Пана ўся зямля, *
няхай дрыжаць перад Ім усе жыхары свету.

Бо Ён прамовіў – і сталася, *
Ён загадаў – і з’явілася.

Пан касуе намеры язычнікаў, *
знішчае задумы народаў.

Намеры Пана трываюць навекі, *
задумы сэрца Ягонага з пакалення ў пакаленне.

Шчаслівы народ, Богам якога ёсць Пан, *
народ, які Ён выбраў сабе ў спадчыну.

Пан паглядае з нябёсаў, *
бачыць усіх сыноў чалавечых.

З месца пасаду свайго Ён глядзіць *
на ўсіх, хто жыве на зямлі.

Ён стварыў сэрца кожнага з іх *
і зважае на ўсе іхнія чыны.

Не збавіць караля яго шматлікае войска, *
асілка не ўратуе яго вялікая сіла.

Конь не дапаможа ўратавацца, *
сваёй празмернай сілай ён не збавіць.

Вось вока Пана над тымі, хто Яго баіцца, *
над тымі, хто спадзяецца на Яго міласэрнасць,

каб Ён душу іх уратаваў ад смерці *
і накарміў іх у час голаду.

Душа наша чакае Пана, *
Ён – наша дапамога і абарона.

Радуецца ў Ім нашае сэрца, *
на Яго святое імя мы спадзяёмся.

Міласэрнасць Твая, Пане, няхай будзе над намі, *
бо мы на Цябе спадзяёмся!

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Праведным прыстоіць * спеў хвалы.

КАРОТКАЕ ЧЫТАННЕ Рым 13, 11b. 12-13а
Настала ўжо пара, каб вы абудзіліся са сну, бо цяпер збаўленне бліжэй да нас, чым тады, калі мы паверылі. Ноч мінула і наблізіўся дзень. Таму адкінем учынкі цемры і апранемся ў зброю святла. Як у дзень, будзем паводзіць сябе прыстойна.

КАРОТКІ РЭСПАНСОРЫЙ
К. Мой Бог – мая дапамога, * я на Яго спадзяюся.
Н. Мой Бог – мая дапамога, * я на Яго спадзяюся.
К. Прыстанішча маё і мой Збаўца.
Н. Я на Яго спадзяюся.
К. Хвала Айцу і Сыну, і Духу Святому.
Н. Мой Бог – мая дапамога, * я на Яго спадзяюся.

ПЕСНЯ З ЕВАНГЕЛЛЯ

Ант. да песні Захарыі: Узняў Пан моц збаўлення для нас, * як абвясціў вуснамі сваіх прарокаў.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Узняў Пан моц збаўлення для нас, * як абвясціў вуснамі сваіх прарокаў.

ПРОСЬБЫ

Езус, Першасвятар нашай веры, далучыў нас да нябеснага паклікання. Мы благаслаўляем Яго і ўсклікаем:
Пане, Божа наш і наш Збаўца.

Валадар усемагутны, Ты праз хрост апрануў нас у каралеўскае святарства,
– учыні нас годнымі прыносіць Табе ахвяру праслаўлення.

Дапамажы нам заўсёды захоўваць Твае запаведзі,
– каб праз дзеянне Духа Святога мы заставаліся ў Табе, а Ты – у нас.

Напаўняй нас заўсёды Тваёй мудрасцю,
– няхай яна прабывае ў нас сёння і вядзе нас.

Дапамажы, каб мы нікога сёння не засмучалі,
– але каб былі для ўсіх крыніцай радасці.

Ойча наш.

МАЛІТВА

Пане, міласціва прымі нашую ранішнюю малітву і асвяці глыбіні нашых сэрцаў сваёй ласкаю, каб цемра не ахапіла тых, каго Ты паклікаў да свайго нябеснага святла. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Цяпер мы заклікаем Духа,
Адзінага з Айцом і Сынам:
Прыйдзі і жыватворнай ласкай
Напоўні шчодра нашы сэрцы.

Пачуцці, вусны, розум, воля
Няхай абвесцяць Тваю славу.
Любоў няхай агнём палае,
А жар яе – абудзіць бліжніх.

Дай праз Цябе пазнаць Айца нам
І Сына, што з Яго паходзіць,
Каб шчырай верай вызнавалі,
Што Ты адзіны ў Святой Тройцы. Амэн.

ПСАЛЬМОДЫЯ

1 ант. Шчаслівыя тыя, * хто жыве паводле Закону Пана.

Псальм 119 (118), 1-8
І (Алеф)
Разважанне над Божым словам, змешчаным у Законе

Любоў да Бога ёсць у тым, каб мы захоўвалі Ягоныя запаведзі (1 Ян 5, 3)

Шчаслівыя тыя, чый шлях беззаганны, *
хто жыве паводле закону Пана.

Шчаслівыя тыя, хто захоўвае Ягоныя сведчанні *
і ўсім сэрцам шукае Яго.

Хто не чыніць беззаконня, *
але ходзіць Ягонымі шляхамі.

Ты загадаў, *
каб старанна выконвалі Твае наказы.

О, няхай пэўнымі будуць мае шляхі *
ў захаванні Тваіх пастановаў.

Я не зазнаю сораму, *
калі буду зважаць на ўсе Твае запаведзі.

Шчырым сэрцам буду славіць Цябе, *
калі навучуся Тваім справядлівым пастановам.

Буду захоўваць Твае наказы, *
не пакідай мяне назаўсёды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Шчаслівыя тыя, * хто жыве паводле Закону Пана.

2 ант. Узрадуецца маё сэрца * Твайму збаўленню.

Псальм 13 (12)
Плач справядлівага, які спадзяецца на Пана

Няхай Бог надзеі напоўніць вас усялякаю радасцю (Рым 15, 13)

Як доўга яшчэ, Пане, *
будзеш вечна забываць пра мяне?

Як доўга яшчэ будзеш *
адварочваць ад мяне сваё аблічча?

Як доўга мне яшчэ насіць †
змаганні ў душы сваёй? *
Смутак у сэрцы сваім дзень за днём?

Як доўга яшчэ *
будзе ўзвышацца нада мною мой вораг?

Паглядзі, адкажы мне, Пане Божа мой, *
асвятлі мае вочы, каб не заснуў я сном смяротным.

Каб не сказаў вораг мой: «Я перамог яго!» *
Каб не цешыліся ганіцелі мае, калі я пахіснуся.

Я спадзяюся на Тваю міласэрнасць; *
узрадуецца маё сэрца Твайму збаўленню.

Я заспяваю Пану, *
бо Ён адарыў мяне шчасцем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Узрадуецца маё сэрца * Твайму збаўленню.

3 ант. Усіх Бог заключыў у непаслухмянасць, * каб змілавацца над усімі.

Псальм 14 (13)
Глупства бязбожнікаў

Дзе памножыўся грэх, там яшчэ больш памножылася ласка (Рым 5, 20)

Бязбожнік сказаў у сэрцы сваім: «Няма Бога». †
Сапсаваліся яны і сталі паступаць агідна, *
няма нікога, хто б рабіў дабро.

Пан пазірае з неба на людскіх сыноў, †
каб паглядзець, ці ёсць разумны, *
які шукае Пана.

Усе адступілі, сапсаваліся разам, *
няма таго, хто б рабіў дабро, няма ніводнага.

Хіба не маюць розуму ўсе, хто чыніць беззаконне, †
хто паглынае народ мой, быццам хлеб спажывае, *
хто не заклікае Пана?

І задрыжаць ад страху, *
бо Бог – у пакаленні справядлівых.

Вы спрабуеце пасароміць намеры прыгнечанага, *
але Пан – яго надзея.

Хто прынясе з Сіёна збаўленне для Ізраэля? †
Калі Пан верне з палону свой народ, *
усцешыцца Якуб, і ўзрадуецца Ізраэль.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Усіх Бог заключыў у непаслухмянасць, * каб змілавацца над усімі.

КАРОТКАЕ ЧЫТАННЕ Ер 17, 7-8
Благаслаўлёны чалавек, які спадзяецца на Пана, і надзея якога – Пан. Ён будзе як дрэва, пасаджанае над вадою, што пускае карэнне сваё над патокам. Калі настане спёка, яно не баіцца, і лісце яго застаецца зялёным. І ў год засухі яно не будзе хвалявацца, і не перастане прыносіць плён.

К. Пан у дабры не адмаўляе тым, хто паступае беззаганна.
Н. Пане Магуццяў, шчаслівы чалавек, які на Цябе спадзяецца.

МАЛІТВА

Усемагутны, вечны Божа, а трэцяй гадзіне Ты спаслаў Духа Святога Суцяшыцеля на Апосталаў; спашлі таксама на нас Духа любові, каб мы былі Тваімі вернымі сведкамі перад людзьмі. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа, Валадар магутны,
Ты кіруеш зменай часу:
Раніцай даеш заранку
І апоўдні ззянне сонца.

Пагасі агонь нязгоды,
Астудзі спякоту гневу,
Прынясі здароўе целу
І спакой праўдзівы ў сэрцы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Бо Ты валадарыш вечна. Амэн.

ПСАЛЬМОДЫЯ

1 ант. Шчаслівыя тыя, * хто жыве паводле Закону Пана.

Псальм 119 (118), 1-8
І (Алеф)
Разважанне над Божым словам, змешчаным у Законе

Любоў да Бога ёсць у тым, каб мы захоўвалі Ягоныя запаведзі (1 Ян 5, 3)

Шчаслівыя тыя, чый шлях беззаганны, *
хто жыве паводле закону Пана.

Шчаслівыя тыя, хто захоўвае Ягоныя сведчанні *
і ўсім сэрцам шукае Яго.

Хто не чыніць беззаконня, *
але ходзіць Ягонымі шляхамі.

Ты загадаў, *
каб старанна выконвалі Твае наказы.

О, няхай пэўнымі будуць мае шляхі *
ў захаванні Тваіх пастановаў.

Я не зазнаю сораму, *
калі буду зважаць на ўсе Твае запаведзі.

Шчырым сэрцам буду славіць Цябе, *
калі навучуся Тваім справядлівым пастановам.

Буду захоўваць Твае наказы, *
не пакідай мяне назаўсёды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Шчаслівыя тыя, * хто жыве паводле Закону Пана.

2 ант. Узрадуецца маё сэрца * Твайму збаўленню.

Псальм 13 (12)
Плач справядлівага, які спадзяецца на Пана

Няхай Бог надзеі напоўніць вас усялякаю радасцю (Рым 15, 13)

Як доўга яшчэ, Пане, *
будзеш вечна забываць пра мяне?

Як доўга яшчэ будзеш *
адварочваць ад мяне сваё аблічча?

Як доўга мне яшчэ насіць †
змаганні ў душы сваёй? *
Смутак у сэрцы сваім дзень за днём?

Як доўга яшчэ *
будзе ўзвышацца нада мною мой вораг?

Паглядзі, адкажы мне, Пане Божа мой, *
асвятлі мае вочы, каб не заснуў я сном смяротным.

Каб не сказаў вораг мой: «Я перамог яго!» *
Каб не цешыліся ганіцелі мае, калі я пахіснуся.

Я спадзяюся на Тваю міласэрнасць; *
узрадуецца маё сэрца Твайму збаўленню.

Я заспяваю Пану, *
бо Ён адарыў мяне шчасцем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Узрадуецца маё сэрца * Твайму збаўленню.

3 ант. Усіх Бог заключыў у непаслухмянасць, * каб змілавацца над усімі.

Псальм 14 (13)
Глупства бязбожнікаў

Дзе памножыўся грэх, там яшчэ больш памножылася ласка (Рым 5, 20)

Бязбожнік сказаў у сэрцы сваім: «Няма Бога». †
Сапсаваліся яны і сталі паступаць агідна, *
няма нікога, хто б рабіў дабро.

Пан пазірае з неба на людскіх сыноў, †
каб паглядзець, ці ёсць разумны, *
які шукае Пана.

Усе адступілі, сапсаваліся разам, *
няма таго, хто б рабіў дабро, няма ніводнага.

Хіба не маюць розуму ўсе, хто чыніць беззаконне, †
хто паглынае народ мой, быццам хлеб спажывае, *
хто не заклікае Пана?

І задрыжаць ад страху, *
бо Бог – у пакаленні справядлівых.

Вы спрабуеце пасароміць намеры прыгнечанага, *
але Пан – яго надзея.

Хто прынясе з Сіёна збаўленне для Ізраэля? †
Калі Пан верне з палону свой народ, *
усцешыцца Якуб, і ўзрадуецца Ізраэль.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Усіх Бог заключыў у непаслухмянасць, * каб змілавацца над усімі.

КАРОТКАЕ ЧЫТАННЕ Прып 3, 13-15
Шчаслівы чалавек, які здабыў мудрасць, і чалавек, які набыў розум, таму што яе набыванне лепшае за набыццё срэбра, і карысці ад яе больш, чым ад золата: яна даражэй за каштоўныя камяні; ніякае зло не можа супраціўляцца ёй; яна добра вядомая ўсім, хто набліжаецца да яе, і нішто з жаданага табою не зраўнаецца з ёй.

К. Пане, Ты ў сэрцы палюбіў праўду.
Н. І адкрыў мне мудрасць.

МАЛІТВА

Божа, Ты аб’явіў Пятру сваё жаданне збавіць язычнікаў, учыні ласкава, каб нашыя дзеянні былі Табе даспадобы і каб мы служылі намеру Тваёй збаўчай любові. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа моцны, усё стварэнне
У Тваіх руках трывае.
Дзённага святла гадзінаў
Ты парадак вызначаеш.

Вечар наш напоўні ззяннем,
Каб святло жыцця не згасла,
І пасля зямной вандроўкі
Мы прыйшлі да вечнай славы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Ты, што валадарыш вечна. Амэн.

ПСАЛЬМОДЫЯ

1 ант. Шчаслівыя тыя, * хто жыве паводле Закону Пана.

Псальм 119 (118), 1-8
І (Алеф)
Разважанне над Божым словам, змешчаным у Законе

Любоў да Бога ёсць у тым, каб мы захоўвалі Ягоныя запаведзі (1 Ян 5, 3)

Шчаслівыя тыя, чый шлях беззаганны, *
хто жыве паводле закону Пана.

Шчаслівыя тыя, хто захоўвае Ягоныя сведчанні *
і ўсім сэрцам шукае Яго.

Хто не чыніць беззаконня, *
але ходзіць Ягонымі шляхамі.

Ты загадаў, *
каб старанна выконвалі Твае наказы.

О, няхай пэўнымі будуць мае шляхі *
ў захаванні Тваіх пастановаў.

Я не зазнаю сораму, *
калі буду зважаць на ўсе Твае запаведзі.

Шчырым сэрцам буду славіць Цябе, *
калі навучуся Тваім справядлівым пастановам.

Буду захоўваць Твае наказы, *
не пакідай мяне назаўсёды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Шчаслівыя тыя, * хто жыве паводле Закону Пана.

2 ант. Узрадуецца маё сэрца * Твайму збаўленню.

Псальм 13 (12)
Плач справядлівага, які спадзяецца на Пана

Няхай Бог надзеі напоўніць вас усялякаю радасцю (Рым 15, 13)

Як доўга яшчэ, Пане, *
будзеш вечна забываць пра мяне?

Як доўга яшчэ будзеш *
адварочваць ад мяне сваё аблічча?

Як доўга мне яшчэ насіць †
змаганні ў душы сваёй? *
Смутак у сэрцы сваім дзень за днём?

Як доўга яшчэ *
будзе ўзвышацца нада мною мой вораг?

Паглядзі, адкажы мне, Пане Божа мой, *
асвятлі мае вочы, каб не заснуў я сном смяротным.

Каб не сказаў вораг мой: «Я перамог яго!» *
Каб не цешыліся ганіцелі мае, калі я пахіснуся.

Я спадзяюся на Тваю міласэрнасць; *
узрадуецца маё сэрца Твайму збаўленню.

Я заспяваю Пану, *
бо Ён адарыў мяне шчасцем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Узрадуецца маё сэрца * Твайму збаўленню.

3 ант. Усіх Бог заключыў у непаслухмянасць, * каб змілавацца над усімі.

Псальм 14 (13)
Глупства бязбожнікаў

Дзе памножыўся грэх, там яшчэ больш памножылася ласка (Рым 5, 20)

Бязбожнік сказаў у сэрцы сваім: «Няма Бога». †
Сапсаваліся яны і сталі паступаць агідна, *
няма нікога, хто б рабіў дабро.

Пан пазірае з неба на людскіх сыноў, †
каб паглядзець, ці ёсць разумны, *
які шукае Пана.

Усе адступілі, сапсаваліся разам, *
няма таго, хто б рабіў дабро, няма ніводнага.

Хіба не маюць розуму ўсе, хто чыніць беззаконне, †
хто паглынае народ мой, быццам хлеб спажывае, *
хто не заклікае Пана?

І задрыжаць ад страху, *
бо Бог – у пакаленні справядлівых.

Вы спрабуеце пасароміць намеры прыгнечанага, *
але Пан – яго надзея.

Хто прынясе з Сіёна збаўленне для Ізраэля? †
Калі Пан верне з палону свой народ, *
усцешыцца Якуб, і ўзрадуецца Ізраэль.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Усіх Бог заключыў у непаслухмянасць, * каб змілавацца над усімі.

КАРОТКАЕ ЧЫТАННЕ Ёў 5, 17-18
Шчаслівы чалавек, якога Бог выпрабоўвае. Таму не адкідай настаўлення Усемагутнага, бо Ён сам раніць і перавязвае, Ён калечыць, і сам вылечвае.

К. Пане, учыні са сваім слугой паводле Тваёй ласкавасці.
Н. Навучы мяне сваім пастановам.

МАЛІТВА

Усемагутны, вечны Божа, Ты паслаў свайго анёла да сотніка Карнэлія, каб ён паказаў яму шлях збаўлення; учыні, каб мы старанна імкнуліся да збаўлення ўсіх людзей і з’яднаўшыся з імі ў Тваім Касцёле, прыйшлі да Цябе. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

О Марыя, Ты з любоўю
Выслухоўваеш малітвы.
Просім мы Цябе пакорна:
Будзь заўсёды разам з намі.

Падтрымай, калі правіны
Цяжкія нас прыгнятаюць.
Разарві кайданы грэху,
Што скавалі нашы сэрцы.

Паспяшы на дапамогу,
Калі свет нас спакушае,
Каб душа ішла па сцежцы,
Што вядзе да брамаў раю.

Захавай ад ўсіх няшчасцяў
Тых, што целу пагражаюць,
І напоўні супакоем
Перш, чым вечнасць нам заззяе.

Дай, каб у хвіліну смерці
Мы не страцілі надзею
І з Тваёю дапамогай
Дасягнулі вечнай славы.

Богу ў Тройцы Найсвяцейшай
Аддаём з Табой пашану,
Бо Цябе адзеў прыгожа
У шаты святасці і ласкі. Амэн.

ПСАЛЬМОДЫЯ

1 ант. Шчаслівая Ты, Дзева Марыя, * якая насіла Стварыцеля сусвету.

Псальм 113 (112)

Хваліце, слугі Пана, *
хваліце імя Пана.

Няхай будзе імя Пана благаслаўлёна *
цяпер і навекі.

Ад усходу сонца да захаду *
няхай будзе праслаўлена імя Пана.

Узвышаны Пан над усімі народамі, *
па-над нябёсамі слава Ягоная.

Хто падобны да Пана, Бога нашага, *
які жыве на вышынях,

які схіляецца, каб паглядзець на неба і зямлю, †
які падымае беднага з пылу*
і са смецця ўзносіць убогага,

каб пасадзіць яго з вяльможамі, *
з князямі свайго народу.

Ён бясплодную жанчыну пасяляе ў доме *
як маці, што цешыцца дзецьмі сваімі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Шчаслівая Ты, Дзева Марыя, * якая насіла Стварыцеля сусвету.

2 ант. Ты нарадзіла таго, хто Цябе стварыў, * і навекі засталася Дзевай.

Псальм 147, 12-20 (147)

Хвалі, Ерузалем, Пана, *
праслаўляй, Сіён, твайго Бога.

Бо Ён умацоўвае засовы брамаў тваіх, *
благаслаўляе сярод цябе сыноў тваіх.

Ён усталёўвае спакой на тваіх межах *
і насычае цябе адборнаю пшаніцай.

Ён пасылае слова сваё на зямлю, *
вельмі хутка ляціць Яго слова.

Ён снег дае, быццам воўну, *
сыпле іней, як попел.

Ён град свой кідае кавалкамі; *
хто выстаіць перад Ягоным марозам?

Ён пасылае слова сваё, – і ўсё растае, *
Ён дзьме сваім ветрам, – і цякуць воды.

Ён абвясціў слова сваё Якубу, *
пастановы свае і прысуды Ізраэлю.

Ніякаму народу больш так не ўчыніў, *
яны не ведаюць прысудаў Ягоных.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Ты нарадзіла таго, хто Цябе стварыў, * і навекі засталася Дзевай.

3 ант. Благаславіў Цябе Пан, Марыя; * праз Цябе мы атрымалі плод жыцця.

Песня (Эф 1, 3-10)

Благаслаўлёны Бог *
і Айцец Пана нашага Езуса Хрыста,

які благаславіў нас у Хрысце *
ўсялякім духоўным благаслаўленнем на нябёсах,

бо Ён выбраў нас у Ім перад стварэннем свету, †
каб мы былі святымі і беззаганнымі *
перад Ім у любові.

Ён прадвызначыў нас для ўсынаўлення †
праз Езуса Хрыста, *
паводле ўпадабання сваёй волі,

дзеля хвалы сваёй праслаўленай ласкі, *
якою Ён адарыў нас ва Умілаваным.

У Ім мы маем адкупленне Ягонаю крывёю, *
дараванне правінаў,

паводле багацця ласкі Ягонай, †
якою шчодра адарыў нас *
ва ўсялякай мудрасці і разуменні,

дазволіўшы нам пазнаць †
таямніцу сваёй волі, *
паводле свайго ўпадабання,

якое раней паклаў у Ім *
для спаўнення паўнаты часу,

каб аб’яднаць усё ў Хрысце: *
тое, што на нябёсах і на зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Благаславіў Цябе Пан, Марыя; * праз Цябе мы атрымалі плод жыцця.

КАРОТКАЕ ЧЫТАННЕ Гал 4, 4-5
Калі надышла паўната часу, паслаў Бог Сына свайго, народжанага ад жанчыны, падпарадкаванага закону, каб адкупіць тых, хто падлягаў закону, каб мы атрымалі ўсынаўленне.

КАРОТКІ РЭСПАНСОРЫЙ
К. Пасля нараджэння Сына * Дзева Марыя засталася беззаганнай.
Н. Пасля нараджэння Сына * Дзева Марыя засталася беззаганнай.
К. Багародзіца, заступайся за нас.
Н. Дзева Марыя засталася беззаганнай.
К. Хвала Айцу і Сыну, і Духу Святому.
Н. Пасля нараджэння Сына * Дзева Марыя засталася беззаганнай.

ПЕСНЯ З ЕВАНГЕЛЛЯ

Ант. да песні Марыі: Пан глянуў на Маю пакору, * і вялікае ўчыніў Мне Усемагутны.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Пан глянуў на Маю пакору, * і вялікае ўчыніў Мне Усемагутны.

ПРОСЬБЫ

Праслаўляем усемагутнага Бога Айца, які пажадаў, каб Марыю, Маці Ягонага Сына, шанавалі ўсе пакаленні, і просім Яго:
Няхай поўная ласкі заступаецца за нас.

Божа, Ты ўзяў Беззаганную Дзеву Марыю з целам і душою да нябеснай хвалы Хрыста,
– накіроўвай сэрцы сваіх дзяцей да той жа хвалы.

Ты даў нам Марыю як Маці, праз Яе заступніцтва дай лек хворым, суцяшэнне засмучаным, прабачэнне грэшным
– і ўсім збаўленне і спакой.

Ты ўчыніў Марыю поўнаю ласкі,
– удзялі ўсім шчодрую радасць Тваёй прыхільнасці.

Няхай Твой Касцёл будзе адным сэрцам і адной душой у любові,
– а верныя Твае няхай трываюць аднадушна ў малітве разам з Марыяй, Маці Езуса.

Ты ўкаранаваў Марыю як Валадарку нябёсаў,
– учыні, каб памерлыя вечна цешыліся ў Тваім валадарстве разам са святымі.

Ойча наш.

МАЛІТВА

Божа, добры Ойча, Ты ўзвялічыў Найсвяцейшую Панну Марыю ў Будслаўскай святыні і праз Яе заступніцтва спасылаеш нам незлічоныя ласкі, учыні, каб пад Яе Матчынай абаронай наш народ мужна захоўваў веру, умацоўваўся ў надзеі і заўсёды жыў у любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О Хрыстэ, Ты дзень поўны бляску,
Знішчаеш цемру начную.
Ў Табе пачатак святла ёсць,
І дорыш яго Ты абраным.

Таму Цябе вельмі просім:
Абарані нас ад злога,
І адары нас спакоем,
І сілы новыя дай нам.

Калі ўжо сон нас агорне,
Хай сэрца чувае з Табою,
І верных, што Цябе любяць,
Ты захавай сваёй моцай.

Зірні на нас, Божа і Пане,
Зруйнуй усе злыя намеры
І аддалі ўсе спакусы,
Бо нас Ты крывёй сваёй збавіў.

О Хрыстэ, Уладар Наймілейшы,
Цябе, як Айца, так і Духа,
Усё, што пад небам жывое,
Няхай праслаўляе бясконца. Амэн.

ПСАЛЬМОДЫЯ

1 ант. Змілуйся нада мною, Божа, * і пачуй маю малітву.

Псальм 4
Падзяка

Пан учыніў годным здзіўлення таго, каго ўваскрасіў (св. Аўгустын)

Калі я клічу, пачуй мяне, Божа, *
справядлівасць мая.

Ты вывеў мяне з уціску; *
змілуйся нада мною і пачуй маю малітву.

Сыны чалавечыя, †
дакуль жорсткімі будуць вашыя сэрцы? *
Чаму любіце марнасць і шукаеце няпраўды?

Ведайце, што Пан учыніў цудоўным свайго вернага; *
Пан чуе, калі Яго клічу.

Дрыжыце і не грашыце; †
разважайце ў сэрцах вашых, *
на ложах сваіх і маўчыце.

Прынясіце Пану справядлівыя ахвяры *
і спадзявайцеся на Пана.

Многія кажуць: «Хто пакажа нам добрае?» *
Узнімі над намі, Пане, святло свайго аблічча!

Больш радасці Ты даў майму сэрцу, *
чым падчас багатага ўраджаю пшаніцы і віна.

Калі кладуся, спакойна засынаю, *
бо толькі Ты, Пане, дазваляеш мне жыць бяспечна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Змілуйся нада мною, Божа, * і пачуй маю малітву.

2 ант. Сярод начы * благаслаўляйце Пана.

Псальм 134 (133)
Вечаровая малітва ў святыні

Хваліце Бога нашага, усе Ягоныя слугі і тыя, хто Яго баіцца, малыя і вялікія! (Ап 19, 5)

Благаслаўляйце Пана, усе слугі Пана, *
якія начамі стаіце ў доме Пана.

Працягвайце рукі вашы да святыні *
і благаслаўляйце Пана.

Няхай Пан, які стварыў неба і зямлю, *
благаславіць цябе з Сіёна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Сярод начы * благаслаўляйце Пана.

КАРОТКАЕ ЧЫТАННЕ Дрг 6, 4-7
Слухай, Ізраэль: Пан, Бог наш, Пан адзіны. Любі Пана Бога твайго ўсім сэрцам тваім, і ўсёй душою тваёю, і з усіх сіл тваіх. Няхай гэтыя словы, якія сёння я наказваю табе, будуць у сэрцы тва­ім. Будзеш навучаць ім дзяцей сваіх і гаварыць пра іх, калі будзеш дома, падчас твайго падарожжа, кладучыся спаць і ўстаючы.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Просім Цябе, Пане, наведай гэты дом і аддалі ад яго ўсе варожыя подступы. Няхай Твае святыя анёлы апякуюцца ім і захоўваюць нас у спакоі, а Тваё благаслаўленне няхай заўсёды будзе над намі. Праз Хрыста, Пана нашага. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.