Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Добры ёсць Пан, / благаслаўляйце імя Ягонае.

Псальм 67 (66)
Няхай усе народы праслаўляюць Пана

Ведайце, што гэта Божае збаўленне паслана да язычнікаў (Дз 28, 28) 

Няхай Бог змілуецца над намі і благаславіць нас, *
няхай заззяе аблічча Яго над намі,

каб на зямлі мы спазналі Ягоную дарогу, *
між усімі народамі Яго збаўленне.

Ант. Добры ёсць Пан, / благаслаўляйце імя Ягонае.

Няхай славяць Цябе народы, Божа, *
няхай славяць Цябе народы ўсе.

Няхай весяляцца і радуюцца ўсе плямёны, †
бо Ты судзіш народы паводле праўды *
і плямёнамі на зямлі кіруеш.

Ант. Добры ёсць Пан, / благаслаўляйце імя Ягонае.

Няхай славяць Цябе народы, Божа, *
няхай славяць Цябе народы ўсе.

Зямля прынесла свой плён; *
няхай Бог, наш Бог нас благаслаўляе.

Няхай Бог нас благаслаўляе, *
няхай баяцца Яго ўсе межы зямлі.

Ант. Добры ёсць Пан, / благаслаўляйце імя Ягонае.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Добры ёсць Пан, / благаслаўляйце імя Ягонае.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Прыйдзі, Стварыцель свету, Хрыстэ,
Ззянне хвалы Айца, о Езу,
Бо без Тваёй магутнай ласкі
У боязі наш дух трапеча.

Напоўненыя Тваім Духам,
Прагнем насіць у сабе Бога,
Каб хітры вораг не палохаў,
Падман не сеяў у нашых душах.

Мы на зямлі жывём не вечна,
Ўсе падлягаем хадзе часу.
Няхай жа моц Тваіх наказаў
Нас вызваліць з палону грэху.

О Хрыстэ, Валадар ласкавы,
Табе, Айцу, Духу Святому
Няхай пашана будзе вечна
Праз усе вякі заўсёды. Амэн.

ПСАЛЬМОДЫЯ

1 ант. Божа, мой, не пагарджай маёй просьбай, * бо ўціскаюць мяне грэшнікі.

 

Псальм 55 (54), 2-15. 17-24
Супраць крывадушнага сябра

Ахапіў Езуса страх і трывога (Мк 14, 33)

І (2-9)

Выслухай, Божа, маю малітву *
і не хавайся ад просьбы маёй.

Пачуй мяне і адкажы мне. †
Я енчу ў сваёй маркоце і ўздыхаю ад варожага крыку, *
ад прыгнёту грэшніка.

Бо яны наклікаюць на мяне бяду *
і ў сваім гневе заўзята змагаюцца са мною.

Маё сэрца трапеча ўва мне, *
ахапіла мяне боязь смерці.

Страх і трымценне авалодалі мною, *
жах ахапіў мяне.

Сказаў я: «Хто даў бы мне крылы, як у голуба, *
каб паляцець і спачыць?

Тады б я ўцёк далёка *
і пасяліўся б у пустыні.

Я б хутка знайшоў сховішча *
ад імклівага ветру і буры».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Божа, мой, не пагарджай маёй просьбай, * бо ўціскаюць мяне грэшнікі.

 

2 ант. Уратаваў нас Пан * ад рукі ворага і ненавісніка.

 

ІІ (10-15)

Знішчы, Пане, падзялі іхнія мовы, *
бо ў горадзе я ўбачыў гвалт і сваркі.

Удзень і ўначы яны абыходзяць яго па мурах, *
а ўнутры яго – беззаконне і зло.

Пагібель у ім, *
з ягоных вуліц не сыходзяць падман і здрада.

Не вораг мяне зневажае, *
я гэта б сцярпеў;

і не той, хто мяне ненавідзіць †
і ўзвышаецца нада мной, *
я б схаваўся ад яго;

але ты, роўны мне чалавек, *
мой сябра і мой блізкі,

з якім мы вялі салодкія размовы *
і хадзілі разам да Божага дому.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Уратаваў нас Пан * ад рукі ворага і ненавісніка.

 

3 ант. Ускладзі клопат свой на Пана,– *і Ён цябе падтрымае.

ІІІ (17-24)

А я буду ўсклікаць да Бога, *
і Пан мяне ўратуе.

Увечары, раніцою і апоўдні †
я буду жаліцца і ўздыхаць, *
і Ён пачуе мой голас.

У спакоі ўратуе душу маю ад тых, †
хто змагаецца супраць мяне, *
бо такіх шмат у мяне.

Пачуе Бог, адгукнецца той, *
хто сядзіць на троне спрадвеку,

бо няма ў іх перамены, *
яны не баяцца Бога.

Кожны працягвае рукі свае †
на тых, хто з ім у згодзе, *
і парушае дамову сваю.

Яго вусны мякчэйшыя за масла, *
але ў ягоным сэрцы – варожасць;

ягоныя словы больш плынныя, чым алей, *
але яны нібы аголеныя мячы.

Ускладзі клопат свой на Пана, – *
і Ён цябе падтрымае,

ніколі не дапусціць, *
каб справядлівы пахіснуўся.

Ты, Божа, *
скінеш іх у студню згубы.

Крывавыя і падступныя мужы †
не дажывуць да паловы сваіх дзён; *
а я спадзяюся на Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Ускладзі клопат свой на Пана,– *і Ён цябе падтрымае.

К. Сыне мой, звярніся да маёй мудрасці.
Н. Схілі сваё вуха да маёй разважлівасці.

Першае чытанне

Пачатак кнігі прарока Малахіі 1, 1-14; 2, 13-16

Прароцтва пра нядбайных святароў і пра адкідванне ахвяраў

Прароцкае слова Пана да Ізраэля праз Малахію. «Я палюбіў вас, – кажа Пан. – А вы пытаецеся: “У чым Твая любоў да нас?” Ці Эзаў не быў братам Якуба? – кажа Пан. – А Я палюбіў Якуба, Эзава ж узненавідзеў. Аддаў на спусташэнне яго горы, а спадчыну яго – шакалам пустыні. Хоць Эдом сказаў: “Мы знішчаны, але вернемся і адбудуем руіны”, Пан Магуццяў так скажа: “Яны адбудуюць, а Я зруйную”. Таму назавуць іх краінай беззаконня і народам, які Пан пракляў навекі. Калі вашыя вочы ўбачаць гэта, вы скажаце: “Пан вялікі па-за межамі Ізраэля”. 

Сын шануе бацьку, а слуга свайго гаспадара. А калі Я Айцец, то дзе пашана да Мяне? І калі Я Пан, то дзе боязь перада Мною? Пан Магуццяў кажа вам, святары: “Вы пагарджаеце Маім іменем”. Але вы адказалі: “Чым мы зняважылі Тваё імя?” Вы прыносіце на Мой ахвярнік нячысты хлеб і пытаецеся: “Чым мы апаганьваем Цябе?” Тым, што кажаце: “Стол Пана не варты пашаны”. А калі прыносіце ў ахвяру сляпое, то гэта не зло? І калі прыносіце кульгавае і хворае, то гэта не зло? Паспрабуй занесці гэта свайму правіцелю. Ці будзе ён задаволены табою і ці прыме цябе ласкава? – кажа Пан Магуццяў. 

А цяпер паспрабуйце ўлагодзіць Божае аблічча, каб Ён змілаваўся над намі! Праз вашыя рукі сталася гэта. Ці ж прыме Ён каго-небудзь з вас, – кажа Пан Магуццяў. Няхай бы хтосьці з вас замкнуў брамы, каб вы не распальвалі дарма Мой ахвярнік. Я не маю ў вас упадабання, – кажа Пан Магуццяў, – і не прыму дар з вашай рукі. Бо ад усходу сонца аж да яго захаду вялікае імя Маё сярод народаў, і на кожным месцы прыносіцца ахвяра каджэння Майму імені і чыстая ахвяра, бо вялікае імя Маё сярод народаў, – кажа Пан Магуццяў. 

А вы знеслаўляеце яго сваёй моваю: “Стол Пана апаганены, і плод на ім, ежа яго нікчэмная”. Вы кажаце таксама: “Што за пакута!” І грэбуеце гэтым, – кажа Пан Магуццяў. – Прыносіце ў ахвяру крадзенае, кульгавае і хворае. Ці Я павінен прыняць гэта з задавальненнем з вашай рукі? – кажа Пан. – Пракляты ашуканец, у статку якога ёсць самец, і ён абяцае яго, але ахвяруе Пану скалечанае. Бо Я – вялікі Кароль, – кажа Пан Магуццяў, – а імя Маё выклікае страх сярод народаў.

І другое, што вы робіце: абліваеце слязьмі ахвярнік Пана з плачам і стагнаннем, бо Ён больш не глядзіць на ахвяры і не прымае ўміласціўлення з вашых рук. І вы пытаецеся: “Чаму?” Таму што Пан быў сведкам паміж табою і паміж жонкаю тваёй маладосці, якой ты здрадзіў, хоць была яна тваёй сяброўкай і жонкай твайго запавету. Ці не Адзін учыніў вас, даючы са свайго духа? А чаго прагне гэты Адзін? Нашчадкаў Бога. Таму захоўвайце гэта ў духу вашым, і няхай ніхто не здраджвае жонцы сваёй маладосці. Бо хто праз нянавісць аддаляе яе, – кажа Пан Бог Ізраэля, – той акрывае сябе гвалтам нібы адзеннем, – кажа Пан Магуццяў. – Таму захоўвайце гэта ў духу вашым і не дапускайце здрады».

Рэспансорый Мал 2, 5. 6а; Пс 110 (109), 4

Н. Мой запавет са святаром быў жыццём і спакоем. Я напоўніў яго бояззю, і ён баяўся Мяне. * Закон праўды быў у яго вуснах, а няпраўды не было на ягоным языку. 

К. Пан прысягнуў і не пашкадуе: Ты святар навекі на ўзор Мэльхізэдэка. Н. Закон.

Другое чытанне

«Ліст да Рымлянаў» св. Ігнацыя, біскупа і мучаніка

(Cap. 4, 1-2; 6, 1 — 8, 3: Funk 1, 217-223) 

Я – Божая пшаніца: змелюць мяне зубы звяроў 

Пішу ўсім Касцёлам і абвяшчаю ўсім, што ахвотна памру за Бога, калі мне ў гэтым не перашкодзіце. Прашу вас: не аказвайце мне заўчаснай любові. Дазвольце мне стаць ежаю для звяроў, дзякуючы якім я дайду да Бога. Я – Божая пшаніца: няхай раструшчаць мяне зубы звяроў, каб я стаў чыстым хлебам Хрыста. Прасіце за мяне Хрыста, каб праз гэтых звяроў я стаў ахвярным прынашэннем для Бога.

Ніякай карысці не прынясуць мне зямныя задавальненні і валадарствы гэтага свету. Лепш мне памерці ў Хрысце, чым панаваць над усёй зямлёй. Я шукаю таго, хто памёр за нас; прагну таго, хто для нас уваскрос. Набліжаецца маё нараджэнне. Прабачце мне, браты! Не забараняйце мне жыць, не жадайце, каб памёр. Паколькі я жадаю належыць Богу, не аддавайце мяне свету і не зводзьце мяне тым, што зямное. Дазвольце мне насычацца чыстым святлом. Калі атрымаю яго, буду поўным чалавекам. Дазвольце мне наследаваць муку майго Бога. Калі хтосьці мае Яго ў сваім сэрцы, зразумее, чаго я прагну, і акажа мне сваё спачуванне, ведаючы, што мяне турбуе.

Князь гэтага свету хоча схапіць мяне і перашкодзіць імкнуцца да Бога. Няхай ніхто з вас яго не падтрымлівае. Лепш будзьце на маім баку, гэта значыць, на баку Бога. Не разважайце пра Езуса Хрыста, калі адначасова імкніцёся быць у свеце. Няхай не будзе ў вас зайздрасці. Нават, калі б я прасіў, будучы ў вас, не слухайце; паверце лепш таму, што цяпер пішу вам. А пішу, будучы жывым, але прагну смерці. Мае ўпадабанні ўкрыжаваныя, і няма больш ува мне зямной пажадлівасці. Толькі жывая вада прамаўляе да мяне з глыбіні сэрца і кажа: «Ідзі да Айца». Не радуе мяне тленная ежа і прыемнасці свету. Я жадаю Божага хлеба, якім ёсць Цела Езуса Хрыста з роду Давіда, і напою, якім ёсць Яго Кроў – незнішчальная любоў.

Не хачу больш жыць на зямлі. І так будзе, калі вы захочаце. У гэтых кароткіх словах прашу вас, паверце мне: Езус Хрыстус дазволіць вам убачыць тое, пра што шчыра кажу. Праз Яго праўдзівыя вусны сапраўды прамовіў Айцец. Маліцеся за мяне, каб я прыйшоў да Яго. Я напісаў вам, кіруючыся не людскім розумам, але Божым. Калі буду цярпець, гэта стане знакам вашай любові да мяне, калі буду вызвалены, гэта будзе азначаць вашую нянавісць.

 

Рэспансорый

Н. Нішто не будзе схавана ад вас, калі будзеце мець дасканалую веру ў Езуса Хрыста і любоў, якія з’яўляюцца пачаткам і мэтаю жыцця. * Пачатак – гэта вера, мэта – любоў.

К. Апраніцеся ў лагоднасць, аднавіцеся ў веры, якой з’яўляецца Цела Пана, і ў любові, якой з’яўляецца Кроў Езуса Хрыста. Н. Пачатак.

МАЛІТВА

Усемагутны вечны Божа, сведчаннем святых мучанікаў Ты аздабляеш Касцёл, Містычнае цела Твайго Сына, учыні, каб мучаніцкая смерць святога Ігнацыя, якая прынесла яму вечную славу, стала для нас крыніцаю мужнасці ў вызнаванні веры. Праз Пана нашага.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Божа, Ты святло нябёсаў,
Святло сееш у сусвеце,
У існаванні ўсё трымаеш,
Як айцец, дзяцей бароніш.

Вось заранка зоркі гасіць,
Чырванню малюе неба.
Вецер ранішні прыносіць
Для зямлі расу жывую.

Вось знікае цемра ночы,
Разам з ёй і змрок мінае.
Сонца дзень зноў абуджае,
І святлом Хрыстовым грэе.

Езус – дзень і дзён пачатак,
Святло свету, ласк крыніца.
Ў Табе моц і праслаўленне,
Божа ў Тройцы Ты адзіны.

Збаўца наш, прымі пашану
І пакорных слуг малітвы,
Калі ў гімнах Цябе славім,
І Айца, і Духа. Амэн.

ПСАЛЬМОДЫЯ

1 ант. Чыстае сэрца ствары ўва мне, Божа, * і аднаві ўва мне трывалы дух.

Псальм 51 (50)
Змілуйся нада мною, Божа

Аднавіце дух вашага розуму і апраніцеся ў новага чалавека (Эф 4, 23-24)

Змілуйся нада мною, Божа, *
у вялікай міласці Тваёй;

і ў паўнаце міласэрнасці Тваёй *
знішчы беззаконні мае.

Цалкам абмый мяне ад правінаў маіх *
і ачысці мяне ад граху майго.

Бо я ведаю беззаконні свае, *
і грэх мой заўжды перада мною.

Табе, Табе аднаму я зграшыў *
і зло ўчыніў перад Тваімі вачыма.

Таму Ты будзеш справядлівы ў сваім прысудзе *
і беззаганны ў судзе сваім.

Вось я ў беззаконні зачаты, *
і ў граху мяне нарадзіла маці.

Ты палюбіў глыбокую праўду *
і навучыў мяне тайнай мудрасці.

Акрапі мяне ісопам – і буду чысты, *
абмый мяне – і стану бялейшы за снег.

Дай мне пачуць радасць і вяселле, *
і ўзрадуюцца косткі, якія Ты зламаў.

Адвярні аблічча сваё ад грахоў маіх *
і знішчы ўсе мае правіны.

Чыстае сэрца ствары ўва мне, Божа, *
і аднаві ўва мне трывалы дух.

Не адкінь мяне ад свайго аблічча *
і не пазбаў мяне духа Твайго святога.

Вярні мне радасць збаўлення Твайго *
і ўмацуй мяне духам прыхільным.

Навучы няправых шляхам Тваім, *
і бязбожнікі да Цябе вернуцца.

Вызвалі мяне ад крыві, Божа, †
Божа, мой Збаўца, *
няхай славіць язык мой Тваю справядлівасць.

Пане, адкрый мае вусны, *
і вусны мае будуць абвяшчаць Тваю хвалу.

Бо Ты не прагнеш ахвяры, †
усеспаленне, хоць бы даў я, *
Табе не спадабаецца.

Ахвяра Богу – гэта скрушаны дух, *
не пагарджай, Божа, пакорным
і прыгнечаным сэрцам.

У сваёй дабрыні будзь ласкавы да Сіёна, *
адбудуй муры Ерузалема.

Тады ўпадабаеш Ты ахвяру справядлівасці, †
прынашэнні і ўсеспаленні, *
і прынясуць цяльцоў на Твой алтар.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Чыстае сэрца ствары ўва мне, Божа, * і аднаві ўва мне трывалы дух.

2 ант. Радуйся, Ерузалем, * бо дзякуючы Табе ўсе прыйдуць да Пана.

Песня (Тоб 13, 8-11. 13-14аb. 15-16ab)
Падзяка за вызваленне народу

Паказаў мне святы горад Ерузалем, які меў Божую славу (Ап 21, 10-11)

Благаслаўляйце Пана, усе выбраныя *
і ўсе хваліце Ягоную веліч.

Праводзьце ў радасці дні *
і вызнавайце Яго.

Ерузалем, святы горад, *
пакараў цябе Пан за справы рук тваіх.

Праслаўляй Пана за дабро сваё *
і благаслаўляй Караля вякоў,

каб Ён аднавіў у табе сваю святыню *
і вярнуў табе ўсіх палонных,

каб у табе быць міласэрным †
да ўсіх нешчаслівых *
праз усе вякі вечныя.

Ты заззяеш ясным святлом, *
і ўсе межы зямлі паклоняцца табе.

Многія народы прыйдуць да цябе здалёк, †
і жыхары далёкіх земляў – да твайго святога імя. *
І ў сваіх руках прынясуць дары для Караля нябёсаў.

З пакалення ў пакаленне будуць праслаўляць цябе, *
а тваё імя «Выбраны» будзе трываць праз усе вякі.

Таму радуйцеся і весяліцеся сынам справядлівым, †
бо ўсе яны будуць сабраныя *
і будуць праслаўляць Пана вякоў.

Шчаслівыя ўсе, хто цябе любіць, *
і шчаслівыя, хто цешыцца тваім спакоем.

Душа мая, благаславі Пана, вялікага Караля, †
бо Ён вызваліў Ерузалем, свой горад, *
дом свой ва ўсе вякі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Радуйся, Ерузалем, * бо дзякуючы Табе ўсе прыйдуць да Пана.

3 ант. Хвалі, Сіён, твайго Бога, * бо пасылае слова сваё на зямлю.

Псальм 147, 12-20 (147)
Аднаўленне Ерузалема

Хадзі, я пакажу табе нявесту, абранніцу Баранка (Ап 21, 9)

Хвалі, Ерузалем, Пана, *
праслаўляй, Сіён, твайго Бога.

Бо Ён умацоўвае засовы брамаў тваіх, *
благаслаўляе сярод цябе сыноў тваіх.

Ён усталёўвае спакой на тваіх межах *
і насычае цябе адборнаю пшаніцай.

Ён пасылае слова сваё на зямлю, *
вельмі хутка ляціць Яго слова.

Ён снег дае, быццам воўну, *
сыпле іней, як попел.

Ён град свой кідае кавалкамі; *
хто выстаіць перад Ягоным марозам?

Ён пасылае слова сваё, – і ўсё растае, *
Ён дзьме сваім ветрам, – і цякуць воды.

Ён абвясціў слова сваё Якубу, *
пастановы свае і прысуды Ізраэлю.

Ніякаму народу больш так не ўчыніў, *
яны не ведаюць прысудаў Ягоных.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Хвалі, Сіён, твайго Бога, * бо пасылае слова сваё на зямлю.

КАРОТКАЕ ЧЫТАННЕ Гал 2, 19b-20
Я ўкрыжаваны разам з Хрыстом. І ўжо не я жыву, а жыве ўва мне Хрыстус. А што цяпер жыву ў целе, то жыву вераю ў Сына Божага, які палюбіў мяне і аддаў сябе за мяне.

КАРОТКІ РЭСПАНСОРЫЙ
К. Я паклічу Найвышэйшага Бога, * які робіць для мяне дабро.
Н. Я паклічу Найвышэйшага Бога, * які робіць для мяне дабро.
К. Ён з нябёсаў спашле дапамогу і ўратуе мяне.
Н. Які робіць для мяне дабро.
К. Хвала Айцу і Сыну, і Духу Святому.
Н. Я паклічу Найвышэйшага Бога, * які робіць для мяне дабро.

ПЕСНЯ З ЕВАНГЕЛЛЯ

Ант. да песні Захарыі: Шукаю Хрыста, які за нас памёр, * прагну Хрыста, які для нас уваскрос.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Шукаю Хрыста, які за нас памёр, * прагну Хрыста, які для нас уваскрос.

ПРОСЬБЫ

Да Бога, які клапоціцца пра ўсіх, каго стварыў і адкупіў праз свайго Сына, узнясём з надзеяй нашыя малітвы:
Пане, умацуй тое, што Ты ў нас здзейсніў.

Ласкавы Божа, вядзі нас шляхам святасці,
– каб мы заўсёды шукалі тое, што праўдзівае, добрае і праведнае.

Дзеля Твайго імя не пакідай нас назаўсёды,
– не забывай, Пане, пра свой запавет.

Прымі нас, якія стаяць перад Табою са скрушаным духам і сэрцам пакорным,
– бо не будуць асаромленыя тыя, хто на Цябе спадзяецца.

Ты прывёў нас у Хрысце да прароцкага служэння,
– дазволь нам абвяшчаць Тваю магутнасць.

Ойча наш.

МАЛІТВА

Усемагутны вечны Божа, сведчаннем святых мучанікаў Ты аздабляеш Касцёл, Містычнае цела Твайго Сына, учыні, каб мучаніцкая смерць святога Ігнацыя, якая прынесла яму вечную славу, стала для нас крыніцаю мужнасці ў вызнаванні веры. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Трываючы ў малітве і чуванні,
калі настане трэцяя гадзіна,
з пабожным сэрцам будзем праслаўляць
славу і моц Святой Адзінай Тройцы.

Каб сталі мы жыллём Святога Духа,
які калісьці ў гэтую гадзіну
спасланы быў Апосталам з нябёсаў
як дар вялікай міласці Хрыстовай.

Той, хто стварыў нябёсаў валадарства,
цудоўным чынам свет наш упрыгожыў,
уліў у сэрцы радасць, суцяшэнне,
аздобіў усё для вечнай узнагароды.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Вялікі спакой у тых, * хто любіць Твой закон, Пане.

Псальм 119 (118), 161-168
ХХІ (Шын)

Князі мяне пераследуюць без прычыны, *
маё сэрца баіцца Твайго слова.

Я радуюся Твайму слову, як той, *
хто прыдбаў вялікую каштоўнасць.

Я ненавіджу фальш і адчуваю да яго пагарду, *
але маё ўпадабанне – у Тваім законе.

Сем разоў на дзень я пакланяюся Табе *
дзеля Тваіх справядлівых прысудаў.

Вялікі спакой у тых, хто любіць Твой закон, *
яны ніколі не спатыкнуцца.

Я спадзяюся, Пане, на Тваё збаўленне *
і выконваю запаведзі Твае.

Мая душа захоўвае сведчанні Твае *
і я вельмі іх люблю.

Я захоўваю наказы Твае і сведчанні, *
бо ўсе мае шляхі перад Табою.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Вялікі спакой у тых, * хто любіць Твой закон, Пане.

2 ант. Усе тыя, хто паверыў, * былі адзіныя сэрцам і душою.

Псальм 133 (132)
Радасць ад братэрскай згоды

Будзем любіць адзін аднаго, бо любоў ад Бога (1 Ян 4, 7)

Як жа добра і прыемна, *
калі браты жывуць разам.

Гэта як каштоўны алей на галаве, †
які сцякае на бараду, на бараду Аарона, *
што сцякае да краёў ягоных шатаў.

Гэта як раса Гермона, *
што спадае на горы Сіёна,

бо там Пан дае благаслаўленне, *
жыццё на вечныя вякі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Усе тыя, хто паверыў, * былі адзіныя сэрцам і душою.

3 ант. Сцеражы мяне ад рукі грэшніка, Пане, * моц майго збаўлення.

Псальм 140 (139), 2-9. 13-14
Ты – прыбежышча маё

Сын Чалавечы выдаецца ў рукі грэшнікаў (Мц 26, 45)

Уратуй мяне, Пане, ад ліхога чалавека, *
захавай мяне ад гвалтаўніка,

ад тых, хто задумвае ў сэрцы зло, *
хто кожны дзень распачынае войны,

хто вострыць языкі свае, нібы змей, *
яд змяіны ў іх на вуснах.

Сцеражы мяне, Пане, ад рукі грэшніка †
і захавай мяне ад гвалтаўнікоў, *
якія задумваюць збіць мяне з ног.

Ганарыстыя паставілі пастку на мяне і вяроўкі, †
расцягнулі сетку на дарозе, *
паставілі на мяне сіло.

Я кажу Пану: «Ты мой Бог, †
прыслухайся, Пане, *
да голасу маёй малітвы».

Пане, Божа – Ты моц майго збаўлення, *
Ты пакрываеш у дзень бітвы маю галаву.

Не спаўняй, Пане, жаданняў бязбожніка, *
не здзяйсняй яго задумаў.

Я ведаю, што Пан абараняе справу ўбогага *
і здзяйсняе правасуддзе для беднага.

Сапраўды, справядлівыя будуць †
праслаўляць Тваё імя, *
а праведнікі паселяцца перад Тваім абліччам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Сцеражы мяне ад рукі грэшніка, Пане, * моц майго збаўлення.

КАРОТКАЕ ЧЫТАННЕ Рым 12, 17а. 19b-20а. 21
Нікому не адплачвайце злом за зло. Бо напісана: Мне помста, Я аддам, – кажа Пан. Але, калі вораг твой галодны, накармі Яго; калі прагне, напаі яго. Не будзь пераможаны злом, але перамагай зло дабром.

К. Міласэрнасць Пана спрадвеку і навекі.
Н. Справядлівасць Яго над тымі, хто захоўвае Ягоны запавет.

МАЛІТВА

Пане Езу Хрыстэ, а трэцяй гадзіне вялі Цябе на крыжовую смерць дзеля збаўлення свету, пакорна просім Цябе, прабач нам нашыя грахі і захавай ад іх у будучыні. Які жывеш і валадарыш праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Ужо настала шостая гадзіна,
якая заклікае шчырым духам
аддаць хвалу і пакланенне Пану,
Малітвамі Стварыцеля праславіць.

Бо вернікам у гэтую гадзіну.
адкрыўся шлях праўдзівага збаўлення:
ахвяра бласлаўлёнага Баранка
і моц крыжа Ягонага заззяла.

Святло Яго – яснейшае за поўдзень.
Ён ласку сее, нібы промні сонца.
Удзячныя за наша адкупленне,
мы прымем дар Яго ў нашы сэрцы.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Вялікі спакой у тых, * хто любіць Твой закон, Пане.

Псальм 119 (118), 161-168
ХХІ (Шын)

Князі мяне пераследуюць без прычыны, *
маё сэрца баіцца Твайго слова.

Я радуюся Твайму слову, як той, *
хто прыдбаў вялікую каштоўнасць.

Я ненавіджу фальш і адчуваю да яго пагарду, *
але маё ўпадабанне – у Тваім законе.

Сем разоў на дзень я пакланяюся Табе *
дзеля Тваіх справядлівых прысудаў.

Вялікі спакой у тых, хто любіць Твой закон, *
яны ніколі не спатыкнуцца.

Я спадзяюся, Пане, на Тваё збаўленне *
і выконваю запаведзі Твае.

Мая душа захоўвае сведчанні Твае *
і я вельмі іх люблю.

Я захоўваю наказы Твае і сведчанні, *
бо ўсе мае шляхі перад Табою.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Вялікі спакой у тых, * хто любіць Твой закон, Пане.

2 ант. Усе тыя, хто паверыў, * былі адзіныя сэрцам і душою.

Псальм 133 (132)
Радасць ад братэрскай згоды

Будзем любіць адзін аднаго, бо любоў ад Бога (1 Ян 4, 7)

Як жа добра і прыемна, *
калі браты жывуць разам.

Гэта як каштоўны алей на галаве, †
які сцякае на бараду, на бараду Аарона, *
што сцякае да краёў ягоных шатаў.

Гэта як раса Гермона, *
што спадае на горы Сіёна,

бо там Пан дае благаслаўленне, *
жыццё на вечныя вякі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Усе тыя, хто паверыў, * былі адзіныя сэрцам і душою.

3 ант. Сцеражы мяне ад рукі грэшніка, Пане, * моц майго збаўлення.

Псальм 140 (139), 2-9. 13-14
Ты – прыбежышча маё

Сын Чалавечы выдаецца ў рукі грэшнікаў (Мц 26, 45)

Уратуй мяне, Пане, ад ліхога чалавека, *
захавай мяне ад гвалтаўніка,

ад тых, хто задумвае ў сэрцы зло, *
хто кожны дзень распачынае войны,

хто вострыць языкі свае, нібы змей, *
яд змяіны ў іх на вуснах.

Сцеражы мяне, Пане, ад рукі грэшніка †
і захавай мяне ад гвалтаўнікоў, *
якія задумваюць збіць мяне з ног.

Ганарыстыя паставілі пастку на мяне і вяроўкі, †
расцягнулі сетку на дарозе, *
паставілі на мяне сіло.

Я кажу Пану: «Ты мой Бог, †
прыслухайся, Пане, *
да голасу маёй малітвы».

Пане, Божа – Ты моц майго збаўлення, *
Ты пакрываеш у дзень бітвы маю галаву.

Не спаўняй, Пане, жаданняў бязбожніка, *
не здзяйсняй яго задумаў.

Я ведаю, што Пан абараняе справу ўбогага *
і здзяйсняе правасуддзе для беднага.

Сапраўды, справядлівыя будуць †
праслаўляць Тваё імя, *
а праведнікі паселяцца перад Тваім абліччам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Сцеражы мяне ад рукі грэшніка, Пане, * моц майго збаўлення.

КАРОТКАЕ ЧЫТАННЕ 1 Ян 3, 16
Па гэтым пазналі мы любоў, што Ён аддаў за нас сваё жыццё. І мы павінны аддаць жыццё сваё за братоў.

К. Хваліце Пана, бо Ён добры.
Н. Бо навекі міласэрнасць Ягоная.

МАЛІТВА

Пане Езу Хрыстэ, а шостай гадзіне, калі свет ахапіла цемра, Ты быў прыбіты да дрэва крыжа і стаў беззаганнай ахвярай дзеля нашага збаўлення, давай нам заўсёды Тваё святло і вядзі людзей па шляху вечнага жыцця. Які жывеш і валадарыш праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Мінае ўжо дзевятая гадзіна,
таму з пакораю спявайма Пану.
З адданаю душою, шчырым сэрцам
праславім Бога ў Найсвяцейшай Тройцы.

Прымаючы святую таямніцу,
яе ў чыстым сэрцы захаваем.
Яе адкрыў для ўсіх Пётр у святыні
праз цуды – знак збаўлення нам ад Пана.

Таму далучым розум свой і волю
да сведчання і да вучэння
Апосталаў, што ў імя Хрыстова
вядуць нас Яго моцай да збаўлення.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Вялікі спакой у тых, * хто любіць Твой закон, Пане.

Псальм 119 (118), 161-168
ХХІ (Шын)

Князі мяне пераследуюць без прычыны, *
маё сэрца баіцца Твайго слова.

Я радуюся Твайму слову, як той, *
хто прыдбаў вялікую каштоўнасць.

Я ненавіджу фальш і адчуваю да яго пагарду, *
але маё ўпадабанне – у Тваім законе.

Сем разоў на дзень я пакланяюся Табе *
дзеля Тваіх справядлівых прысудаў.

Вялікі спакой у тых, хто любіць Твой закон, *
яны ніколі не спатыкнуцца.

Я спадзяюся, Пане, на Тваё збаўленне *
і выконваю запаведзі Твае.

Мая душа захоўвае сведчанні Твае *
і я вельмі іх люблю.

Я захоўваю наказы Твае і сведчанні, *
бо ўсе мае шляхі перад Табою.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Вялікі спакой у тых, * хто любіць Твой закон, Пане.

2 ант. Усе тыя, хто паверыў, * былі адзіныя сэрцам і душою.

Псальм 133 (132)
Радасць ад братэрскай згоды

Будзем любіць адзін аднаго, бо любоў ад Бога (1 Ян 4, 7)

Як жа добра і прыемна, *
калі браты жывуць разам.

Гэта як каштоўны алей на галаве, †
які сцякае на бараду, на бараду Аарона, *
што сцякае да краёў ягоных шатаў.

Гэта як раса Гермона, *
што спадае на горы Сіёна,

бо там Пан дае благаслаўленне, *
жыццё на вечныя вякі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Усе тыя, хто паверыў, * былі адзіныя сэрцам і душою.

3 ант. Сцеражы мяне ад рукі грэшніка, Пане, * моц майго збаўлення.

Псальм 140 (139), 2-9. 13-14
Ты – прыбежышча маё

Сын Чалавечы выдаецца ў рукі грэшнікаў (Мц 26, 45)

Уратуй мяне, Пане, ад ліхога чалавека, *
захавай мяне ад гвалтаўніка,

ад тых, хто задумвае ў сэрцы зло, *
хто кожны дзень распачынае войны,

хто вострыць языкі свае, нібы змей, *
яд змяіны ў іх на вуснах.

Сцеражы мяне, Пане, ад рукі грэшніка †
і захавай мяне ад гвалтаўнікоў, *
якія задумваюць збіць мяне з ног.

Ганарыстыя паставілі пастку на мяне і вяроўкі, †
расцягнулі сетку на дарозе, *
паставілі на мяне сіло.

Я кажу Пану: «Ты мой Бог, †
прыслухайся, Пане, *
да голасу маёй малітвы».

Пане, Божа – Ты моц майго збаўлення, *
Ты пакрываеш у дзень бітвы маю галаву.

Не спаўняй, Пане, жаданняў бязбожніка, *
не здзяйсняй яго задумаў.

Я ведаю, што Пан абараняе справу ўбогага *
і здзяйсняе правасуддзе для беднага.

Сапраўды, справядлівыя будуць †
праслаўляць Тваё імя, *
а праведнікі паселяцца перад Тваім абліччам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Сцеражы мяне ад рукі грэшніка, Пане, * моц майго збаўлення.

КАРОТКАЕ ЧЫТАННЕ 1 Ян 4, 9-11
Любоў Бога да нас адкрылася ў тым, што Бог паслаў у свет Сына свайго Адзінароднага, каб мы жылі праз Яго. У тым праявілася любоў, што не мы палюбілі Бога, а Ён сам палюбіў нас і паслаў Сына свайго як уміласціўленне за грахі нашыя. Калі Бог так палюбіў нас, дык і мы павінны любіць адзін аднаго.

К. Божа, абарона наша.
Н. Паглядзі на твар Памазаніка Твайго.

МАЛІТВА

Пане Езу Хрыстэ, Ты церпячага злачынцу прывёў з крыжа ў сваё Валадарства, вызнаючы нашыя грахі з даверам просім Цябе, каб пасля смерці дазволіў нам з радасцю ўвайсці ў брамы раю. Які жывеш і валадарыш праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Калі ўжо сонца заходзіць на небе,
Малее святло перад змрокам ночы,
Думкі, пачуцці да Цябе кіруем,
Магутны Стварыцель і Кароль сусвету.

Схіліся, Пане, над нашай нядоляй,
Над грэхам нашым і немаччу нашай,
Гэта не бунт прад Табою, о Божа,
А толькі слабасць людская.

Бо мы ўсе шчыра жадаем, о Пане,
Пайсці за Табою, Тваёй Добрай Весткай.
Будзь міласэрны, ратуй ласкава
Верных сваіх, што заблукалі.

Дай нам надзею, што заўтра зноў станем
На шлях справядлівы дабра, збаўлення.
Тое, што сёння нас раздзяляе,
Любоў хай знішчыць.

Ойча, і Сыне, і Дух жыватворны,
Пакорным спевамі мы славім Тройцу.
Верым, што прыйдзеш ў цішы вечаровай,
Каб нас адарыць спакоем. Амэн. 

ПСАЛЬМОДЫЯ

1 ант. Кожны дзень благаслаўляць Цябе буду, Пане, * і расказваць пра Твае цуды.

Псальм 145 (144)
Хвала Божай велічы

Справядлівы Ты, Пане, які ёсць і які быў (Ап 16, 5)

І (1-13а)

Буду ўзвялічваць Цябе, Бог і Валадар мой, *
і благаслаўляць імя Тваё навекі.

Кожны дзень благаслаўляць Цябе буду *
і ўсхваляць імя Тваё на векі вечныя.

Вялікі Пан і годны вялікай хвалы, *
неспасцігальная веліч Яго.

З пакалення ў пакаленне †
будуць хваліць Твае справы *
і абвяшчаць Тваю магутнасць.

Пра ўзнёсласць хвалы велічы Тваёй *
і пра цудоўныя Твае справы буду разважаць.

Будуць казаць пра моц Тваіх грозных справаў *
і абвяшчаць Тваю веліч.

Абвесцяць успамін Тваёй вялікай дабрыні *
і ўзрадуюцца Тваёй справядлівасці.

Пан міласэрны і ласкавы, *
доўгацярплівы і шматміласцівы.

Пан добры да ўсіх, *
і міласэрнасць Яго над усімі стварэннямі Ягонымі.

Няхай славяць Цябе, Пане, †
усе Твае стварэнні, *
і ўсе святыя Твае благаслаўляюць Цябе.

Няхай апавядаюць пра славу Твайго валадарства *
і магутнасць Тваю абвяшчаюць.

Няхай сыны чалавечыя даведаюцца †
пра Тваю магутнасць *
і пра веліч славы Твайго валадарства.

Валадарства Тваё – валадарства ўсіх вякоў, *
і панаванне Тваё – з пакалення ў пакаленне.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Кожны дзень благаслаўляць Цябе буду, Пане, * і расказваць пра Твае цуды.

2 ант. Вочы ўсіх з надзеяй глядзяць на Цябе, Пане, * Ты блізкі да ўсіх, хто Цябе кліча.

ІІ (13b-21)

Пан верны ва ўсіх сваіх словах *
і святы ва ўсіх сваіх справах.

Пан падтрымлівае ўсіх, хто падае, *
і падымае ўсіх прыгнечаных.

Вочы ўсіх з надзеяй глядзяць на Цябе, *
і Ты даеш ім ежу ў свой час.

Ты адкрываеш сваю руку, – *
і ўдосталь насычаеш усё жывое.

Пан справядлівы на ўсіх сваіх шляхах *
і верны ва ўсіх сваіх справах.

Блізкі Пан да ўсіх, хто Яго кліча, *
да ўсіх, хто кліча Яго ў праўдзе.

Ён спаўняе жаданне тых, хто Яго баіцца, *
чуе іхні крык і ратуе іх.

Пан абараняе ўсіх, хто Яго любіць, *
але бязбожнікаў усіх знішчыць.

Хвалу Пана будуць абвяшчаць мае вусны, †
і няхай благаслаўляе ўсялякае цела *
Яго святое імя на векі вечныя.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Вочы ўсіх з надзеяй глядзяць на Цябе, Пане, * Ты блізкі да ўсіх, хто Цябе кліча.

3 ант. Справядлівыя і праўдзівыя шляхі Твае, * Валадару вякоў.

Песня (Ап 15, 3-4)
Гімн пакланення

Вялікія і цудоўныя справы Твае, *
Пане Божа ўсемагутны.

Справядлівыя і праўдзівыя шляхі Твае, *
Валадару народаў.

Хто ж не будзе баяцца, Пане, *
і не праславіць імені Твайго?

Таму што Ты адзін Святы, †
таму што ўсе народы прыйдуць *
і паклоняцца перад Табою,

бо аб’явіліся *
Твае справядлівыя прысуды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Справядлівыя і праўдзівыя шляхі Твае, * Валадару вякоў.

КАРОТКАЕ ЧЫТАННЕ Рым 8, 1-2
Няма цяпер ніякага асуджэння тым, хто ў Хрысце Езусе, бо закон духа жыцця ў Езусе Хрысце вызваліў цябе ад закону граху і смерці.

КАРОТКІ РЭСПАНСОРЫЙ
К. Хрыстус памёр за нашыя грахі, * каб прывесці нас да Бога.
Н. Хрыстус памёр за нашыя грахі, * каб прывесці нас да Бога.
К. Забіты у целе, але ажыўлены ў Духу.
Н. Каб прывесці нас да Бога.
К. Хвала Айцу і Сыну, і Духу Святому.
Н. Хрыстус памёр за нашыя грахі, * каб прывесці нас да Бога. 

ПЕСНЯ З ЕВАНГЕЛЛЯ

Ант. да песні Марыі: Прагну Божага хлеба, * якім ёсць Цела Езуса Хрыста, патомка Давіда, / прагну піць кроў таго, / хто з’яўляецца вечнай любоўю.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Прагну Божага хлеба, * якім ёсць Цела Езуса Хрыста, патомка Давіда, / прагну піць кроў таго, / хто з’яўляецца вечнай любоўю.

ПРОСЬБЫ

Хрыстус – надзея тых, хто пазнаў Яго імя. Таму з верай усклікнем да Яго:
Пане, змілуйся над намі.

Хрыстэ, глянь на нашую чалавечую слабасць, прычыну нашых падзенняў,
– умацуй нас сваёй моцаю.

Цябе зневажае грэх, а ўміласціўляе пакаянне,
– аддалі ад нас, грэшных, свой справядлівы гнеў.

Ты дараваў грахі грэшніцы, якая пакаялася, і ўзяў на плечы згубленую авечку,
– не адхіляй ад нас сваёй любові.

Усіх, хто спадзяваўся на Цябе ў зямным жыцці,
– увядзі ў брамы раю, якія Ты адкрыў праз смерць на крыжы. 

Ойча наш.

МАЛІТВА

Усемагутны вечны Божа, сведчаннем святых мучанікаў Ты аздабляеш Касцёл, Містычнае цела Твайго Сына, учыні, каб мучаніцкая смерць святога Ігнацыя, якая прынесла яму вечную славу, стала для нас крыніцаю мужнасці ў вызнаванні веры. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

Цябе, Стварыцель сусвету,
Калі наступае змярканне,
З надзеяй ласкава просім:
Абараняй нас ад злога.

Напоўні сабой нашы сэрцы,
Няхай Цябе ноччу адчуюць.
Калі ж іх світанне абудзіць,
Няхай Цябе славяць у песні.

Хай цела адчуе бадзёрасць,
І дух хай абновіць натхненне.
А цемру начную асветліць
Твая незнішчальная яснасць.

Дай гэта нам, Ойча найлепшы,
Праз Езуса, нашага Пана,
Які валадарыць з Табою
І з Духам цяпер і навекі. Амэн.

ПСАЛЬМОДЫЯ

Ант. Удзень і ўначы * я Цябе клікаў, Пане.

Псальм 88 (87)
Малітва ў цяжкой хваробе

Цяпер – ваша гадзіна і ўлада цемры (Лк 22, 53)

Пане, Божа збаўлення майго, *
удзень і ўначы я Цябе клікаў.

Няхай мая малітва дойдзе да Твайго аблічча, *
схілі вуха сваё да крыку майго.

Бо душа мая насыцілася няшчасцямі, *
і жыццё маё наблізілася да адхлані.

Мяне залічваюць да тых, хто сыходзіць у магілу, *
я стаў быццам чалавек, пазбаўлены сілы.

Паміж мёртвымі я пакінуты, *
як забітыя, што спяць у магіле,

пра якіх Ты больш не ўспамінаеш, *
яны адкінутыя ад Тваёй рукі.

Ты паклаў мяне ў глыбокім доле, *
у змроку і ў бездані.

Спачыла на мне Твая лютасць, *
і ўсе хвалі Твае Ты спаслаў на мяне.

Ты аддаліў ад мяне маіх знаёмых, †
зрабіў мяне ганьбаю для іх, *
я замкнёны, і не магу выйсці.

Маё вока слабне ад цярпення. †
Штодня я клічу Цябе, Пане, *
да Цябе працягваю рукі мае.

Ці ж памерлым Ты ўчыніш цуды, *
ці ж мёртвыя ўстануць і будуць славіць Цябе?

Ці ў магіле абвяшчаецца Твая міласэрнасць, *
а праўда Твая ў месцы згубы?

Хіба ў цемры пазнаюць Твае цуды *
і ў краіне забыцця Тваю справядлівасць?

Але я клічу Цябе, Пане, *
і раніцай мая малітва Цябе сустракае.

Чаму адкідаеш, Пане, душу маю, *
хаваеш аблічча сваё ад мяне?

Я ўбогі і паміраю з маладосці, *
нясу цяжар страху перад Табой і знясілеў.

Прайшоў нада мною Твой гнеў, *
а жах перад Табою знішчае мяне.

Акружаюць мяне кожны дзень, як вада, *
атачаюць мяне з усіх бакоў адразу.

Ты аддаліў ад мяне сяброў і блізкіх, *
і цемра – маё таварыства.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн. 

Ант. Удзень і ўначы * я Цябе клікаў, Пане.

КАРОТКАЕ ЧЫТАННЕ пар. Ер 14, 9
Пане, Ты сярод нас, і Тваё святое імя было паклікана над намі. Не пакідай нас, Пане Божа наш. 

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Усемагутны Божа, Твой Адзінародны Сын памёр і быў пахаваны, дапамажы нам стаць падобнымі да Яго, каб мы маглі разам з Ім уваскрэснуць для новага жыцця. Які жывеш і валадарыш на векі вечныя. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.