Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Пан сапраўды ўваскрос, / аллелюя.

Псальм 24 (23)
Пан уваходзіць у святыню

Брамы нябёсаў адчыніліся для Хрыста дзеля ўзвышэння Яго чалавечай натуры (св. Ірэнэй) 

Пану належыць зямля і ўсё, што на ёй, *
сусвет і ўсё, што жыве ў ім.

Бо Ён заснаваў яго на морах *
і на рэках умацаваў яго.

Ант. Пан сапраўды ўваскрос, / аллелюя.

Хто ўзыдзе на гару Пана, *
і хто стане на святым месцы Ягоным?

Той, у каго рукі бязвінныя і чыстае сэрца, †
хто не схіляў душы да марнасці *
і не прысягаў фальшыва.

Ант. Пан сапраўды ўваскрос, / аллелюя.

Ён атрымае благаслаўленне ад Пана *
і ўзнагароду – ад Бога, свайго Збаўцы.

Вось пакаленне тых, хто Яго шукае, *
хто шукае аблічча Твайго, Бог Якуба.

Ант. Пан сапраўды ўваскрос, / аллелюя.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто ж гэты Кароль славы? †
Пан, моцны і магутны, *
Пан, магутны ў барацьбе.

Ант. Пан сапраўды ўваскрос, / аллелюя.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто Ён, гэты Кароль славы? *
Пан Магуццяў, Ён Кароль славы.

Ант. Пан сапраўды ўваскрос, / аллелюя.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн. 

Ант. Пан сапраўды ўваскрос, / аллелюя.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Нябёсы, цешцеся ў высі,
Няхай зямля ўзвесяліцца,
Бо Хрыстус, устаўшы з памерлых,
Жыццём смяротных напоўніў.

Вярнуўся час суцяшэння,
І дзень збаўлення віднее.
У гэты дзень кроў Баранка
Зямлю напоўніла ззяннем.

Смерць і крыжовая мука
З правінаў нас адкупіла.
Бог моц сваю аказаў нам:
Памёршы, стаў пераможцам.

Надзеяй верных напоўніў,
Каб мы паверылі ў тое,
Што разам з Iм уваскрэснем
І атрымаем збаўленне.

Таму цяпер праслаўляйма
Святую Пасху Хрыстову,
Якая ўсім нам прынесла
Дары бязмежнага шчасця.

О Езу, для нашых будзь душаў
Пасхальнаю радасцю вечнай;
Адроджаных ласкай Тваёю
Напоўні бязмежнаю славай.

Ты смерць перамог і шатана,
Ты ззяеш хвалою дзівоснай,
Цябе і Айца з Духам Праўды
Няхай цэлы свет праслаўляе. Амэн.

ПСАЛЬМОДЫЯ

1 ант. Я стаміўся ад крыку, * чакаючы майго Бога. / Аллелюя.

Псальм 69 (68), 2-22. 30-37
Руплівасць аб доме Тваім з’ядае мяне

Далі Яму выпіць віна, змяшанага з жоўцю (Мц 27, 34)

І (2-13)

Дапамажы мне, Божа, *
бо воды падняліся да маёй душы.

Я заграз у глыбокай багне *
і не маю пад нагамі апоры,

увайшоў я ў водныя глыбіні, *
і паток захапіў мяне.

Я стаміўся ад крыку, перасохла маё горла, *
аслаблі вочы мае ад чакання майго Бога.

Тых, хто ненавідзіць мяне без прычыны, *
больш, чым валасоў на маёй галаве.

Умацаваліся мае падступныя ворагі, †
што пераследуюць мяне. *
Ці я павінен аддаць тое, чаго не скраў.

Божа, Ты ведаеш неразумнасць маю, *
і правіны мае ад Цябе не схаваны.

Няхай з­за мяне не асаромяцца тыя, *
хто на Цябе спадзяецца, Пане Магуццяў.

Няхай з­за мяне не зведаюць крыўды тыя, *
хто Цябе шукае, Божа Ізраэля.

Дзеля Цябе я цярплю знявагу, *
ганьба твар мой пакрыла.

Я стаў чужым для братоў маіх, *
чужынцам для сыноў маёй маці.

Бо руплівасць аб доме Тваім з’ядае мяне, *
і знявагі тых, хто Цябе зневажае, упалі на мяне.

Я марыў душу сваю постам, *
і гэта стала ганьбай для мяне.

Я апрануўся ў мешкавіну, *
і стаў для іх пасмешышчам.

Абгаворваюць мяне тыя, хто сядзіць у браме, *
і спяваюць пра мяне прыпеўкі тыя, хто папівае віно.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Я стаміўся ад крыку, * чакаючы майго Бога. / Аллелюя.

2 ант. Яны клалі жоўць у маю ежу, * а калі прагнуў, паілі мяне воцатам. / Аллелюя.

ІІ (14-22)

Я ўзношу да Цябе маю малітву, Пане, *
у час ласкавасці, Божа.

Пачуй мяне ў вялікай сваёй міласэрнасці, *
у праўдзе Твайго збаўлення.

Выцягні мяне з багны, каб не загразнуў, *
вызвалі ад ненавіснікаў і глыбокіх водаў,

няхай не зацягне мяне водная плынь, †
няхай не паглыне мяне багна, *
няхай не замкнецца нада мной пашча прорвы.

Пачуй мяне, Пане, бо шчодрая міласць Твая, *
глянь на мяне паводле вялікай дабрыні сваёй.

Не закрывай свайго аблічча ад слугі Твайго, *
хутка выслухай мяне, бо я цярплю ўціск.

Наблізься да маёй душы і збаў яе, *
адкупі мяне насуперак ворагам маім.

Ты ведаеш ганьбу маю, *
мой сорам і маё прыніжэнне;

Ты бачыш усіх, хто мяне зневажае. *
Ганьба разбіла маё сэрца і я зламаўся.

Чакаў я спагады, але не было яе, *
і суцяшальнікаў, але не знайшоў.

Яны клалі жоўць у маю ежу, *
а калі прагнуў, паілі мяне воцатам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Яны клалі жоўць у маю ежу, * а калі прагнуў, паілі мяне воцатам. / Аллелюя.

3 ант. Ажыве душа тых, * хто шукае Бога. / Аллелюя.

ІІІ (30-37)

Я ж бедны і пакутую; *
дапамога Твая, Божа, няхай падтрымае мяне.

Я буду славіць імя Божае, *
удзячным спевам буду ўзвялічваць Яго.

Гэта будзе больш прыемным Пану, чым бык, *
чым вол з рагамі і з капытамі.

Убачаць убогія і ўсцешацца, *
і ажыве сэрца тых, хто шукае Бога.

Бо Пан слухае бедных *
і не пагарджае вязнямі сваімі.

Няхай славяць Яго зямля і нябёсы, *
мора і ўсё, што рухаецца ў іх.

Бог збавіць Сіён і адбудуе гарады Юды, – *
і будуць жыць там, і атрымаюць у спадчыну яго.

Гэта будзе спадчынай патомства слугаў Ягоных, *
і тыя, хто любіць імя Бога, паселяцца там.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Ажыве душа тых, * хто шукае Бога. / Аллелюя.

К. Уваскрасенню Твайму, Хрыстэ, аллелюя.
Н. Радуюцца неба і зямля, аллелюя.

ПЕРШАЕ ЧЫТАННЕ
Кніга Апакаліпсіса св. апостала Яна 10, 1-11

Пацверджанне прароцкага паклікання

Я, Ян, убачыў іншага моцнага анёла, які сыходзіў з неба, апрануты ў хмару, а вясёлка была на галаве яго. Твар яго – быццам сонца, а ногі яго – як калонны агню. Ён меў у руцэ разгорнутую кнігу. І паставіў ён сваю правую нагу на моры, а левую – на зямлі. І гучна закрычаў, быццам рыкае леў. А калі крыкнуў, сем громаў загаварыла сваімі галасамі. І калі сказала сем громаў, я павінен быў пісаць. І пачуў я голас з неба, які гаварыў: «Запячатай тое, што сказала сем громаў, і не пішы гэтага».

І анёл, якога я бачыў стоячым на моры і на зямлі, падняў сваю правую руку да неба і пакляўся Жывым на векі вякоў, які стварыў неба і тое, што ў ім, зямлю і тое, што на ёй, і мора з тым, што ў ім: «Ужо няма часу, але ў дні голасу сёмага анёла, калі ён павінен будзе затрубіць, здзейсніцца таямніца Бога, так як Ён абвясціў сваім слугам прарокам».

І голас, які я пачуў з неба, зноў гаварыў са мною і казаў: «Ідзі, вазьмі разгорнутую кнігу з рукі анёла, які стаіць на моры і на зямлі». І я пайшоў да анёла, і сказаў яму, каб ён даў мне кнігу. Ён адказаў мне: «Вазьмі і праглыні яе. Яна будзе горкая для жывата твайго, але ў вуснах тваіх будзе салодкая, як мёд». І ўзяў я кнігу з рукі анёла, і праглынуў яе. І была яна ў вуснах маіх салодкая, як мёд. А калі з’еў яе, то горка зрабілася ў жываце маім. І сказалі мне: «Ты зноў павінен прарочыць пра плямёны, і народы, і мовы, і пра многіх каралёў».

РЭСПАНСОРЫЙ пар. Ап 19, 7; Мц 24, 30
Н. Калі загучыць труба, здзейсніцца таямніца Бога, * так як Ён абвяшчаў добрую навіну праз сваіх слугаў прарокаў, аллелюя.
К. Тады з’явіцца на небе знак Сына Чалавечага, і ўбачаць Сына Чалавечага, які прыходзіць на аблоках нябесных у вялікай моцы і славе.
Н. Так як Ён абвяшчаў добрую навіну праз сваіх слугаў прарокаў, аллелюя.

ДРУГОЕ ЧЫТАННЕ
Казанне св. Эфрэма, дыякана

(Sermo de Domino nostro, 3-4. 9:Opera edit. Lamy, 1, 152-158. 166-168)
Хрыстовы крыж – збаўленне чалавечага роду

Наш Пан Езус Хрыстус быў кінуты пад ногі смерці, але сам растаптаў яе, як топчуць дарогу. Ён паддаўся смерці і прыняў яе добраахвотна, каб яе знішчыць насуперак яе волі. Наш Пан пайшоў на смерць, несучы крыж, бо смерць гэтага хацела, але Ён закрычаў на крыжы і вывеў мёртвых з адхлані насуперак жаданню смерці.

Смерць забіла Пана ў Яго чалавечым целе, але той самай зброяй Ён здабыў перамогу над смерцю. Боства ўкрылася ў чалавечай натуры і падступіла да смерці; яна ж забіла і сама была забіта. Смерць забіла натуральнае жыццё, але, у сваю чаргу, яе забіла звышпрыроднае жыццё.

Паколькі смерць не магла пажэрці Яго без цела, і адхлань не магла паглынуць Яго без цела, Пан сышоў ва ўлонне Дзевы, каб узятае ад Яе цела прывяло Яго ў адхлань. У прынятым целе Ён спусціўся ў адхлань, раскідаў і зрабаваў сабраныя там скарбы.

Прыйшоў да Евы, маці ўсіх жывых. Яна – вінаграднік, агароджу якога смерць выламала ўласнымі рукамі Евы, каб тая пакаштавала свой плод. Таму Ева, маці ўсіх жывых, стала для ўсіх крыніцай смерці.

Аднак, замест старой вінаграднай лазы, Евы, расквітнела Марыя, у якой пасяліўся Хрыстус – новае жыццё. Смерць шукала пажывы і, як зазвычай, падступілася, не падазраючы нічога. Але ў смяротным плодзе было схавана Жыццё, знішчальнае для смерці. Калі смерць паглынула Яго, не баючыся нічога, яна вызваліла жыццё і разам з ім многіх.

Наколькі ж вялікі гэты Сын плотніка, які ўзнёс свой крыж над безданню, што паглынае ўсё, і перанёс чалавечы род у дом жыцця. З-за дрэва чалавечы род упаў у самыя нізіны і, дзякуючы дрэву, перанёсся ў дом жыцця. На дрэве, да якога прышчапілі церні, прышчапілі і салодкі парастак, якому не можа супрацьстаяць ніякае стварэнне.

Хвала Табе! Ты ўзвёў свой крыж як мост па-над смерцю, каб душы пераходзілі па ім з краіны смерці ў краіну жыцця.

Хвала Табе! Ты апрануў смяротнае людское цела, каб учыніць з яго крыніцу жыцця для ўсіх смяротных.

Ты сапраўды жывеш, бо Твае забойцы абышліся з Тваім жыццём, як земляробы: пасеялі Цябе, як збажыну, у глыбінях, каб Ты ўваскрос адтуль і ўваскрасіў разам з сабою многіх.

Хадземце, прынясём вялікую агульную ахвяру нашай любові, шчыра заспяваем песні і малітвы таму, хто прынёс свой крыж у ахвяру Богу, каб узбагаціць ягонай моцай нас усіх.

РЭСПАНСОРЫЙ 1 Кар 15, 55-56а. 57; пар. 2 Кар 4, 13. 14
Н. Cмерць, дзе твая перамога? Смерць, дзе тваё джала? Джала смерці – грэх. * Богу падзяка, бо Ён даў нам перамогу праз нашага Пана Езуса Хрыста, аллелюя.
К. Маючы той самы дух веры, мы верым, што той, хто ўваскрасіў Езуса, і нас уваскрасіць разам з Ім.
Н. Богу падзяка, бо Ён даў нам перамогу праз нашага Пана Езуса Хрыста, аллелюя.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Хор новага Ерузалема
Спявае новую песню
І ў радасці праслаўляе
Пасхальнае свята Баранка.

Бо Хрыстус, як леў поўны моцы,
Знішчае пякельнага цмока,
І тых, хто паснуў сном смяротным,
Ён словам сваім ажыўляе.

Вось пекла вяртае здабычу,
Якую падступна ўзяў д’ябал.
І вызваленыя з няволі,
Як статак, за пастырам крочаць.

Збавіцель прынёс перамогу,
І мы разам з Ім трыумфуем,
Бо Ён і зямлю, і нябёсы
Ў адну паяднаў краіну.

А мы як пакорныя слугі
Для нашага Пана спявайма,
Каб Ён нас увёў у палацы
Свайго валадарства ў нябёсах.

О Езу, для нашых будзь душаў
Пасхальнаю радасцю вечнай;
Адроджаных ласкай Тваёю
Напоўні бязмежнаю славай.

Ты смерць перамог і шатана,
Ты ззяеш хвалою дзівоснай,
Цябе і Айца з Духам Праўды
Няхай цэлы свет праслаўляе. Амэн.

ПСАЛЬМОДЫЯ

1 ант. Цалкам абмый мяне, Пане, * ад правінаў маіх, / аллелюя.

Псальм 51 (50)
Змілуйся нада мною, Божа

Аднавіце дух вашага розуму і апраніцеся ў новага чалавека (Эф 4, 23-24)

Змілуйся нада мною, Божа, *
у вялікай міласці Тваёй;

і ў паўнаце міласэрнасці Тваёй *
знішчы беззаконні мае.

Цалкам абмый мяне ад правінаў маіх *
і ачысці мяне ад граху майго.

Бо я ведаю беззаконні свае, *
і грэх мой заўжды перада мною.

Табе, Табе аднаму я зграшыў *
і зло ўчыніў перад Тваімі вачыма.

Таму Ты будзеш справядлівы ў сваім прысудзе *
і беззаганны ў судзе сваім.

Вось я ў беззаконні зачаты, *
і ў граху мяне нарадзіла маці.

Ты палюбіў глыбокую праўду *
і навучыў мяне тайнай мудрасці.

Акрапі мяне ісопам – і буду чысты, *
абмый мяне – і стану бялейшы за снег.

Дай мне пачуць радасць і вяселле, *
і ўзрадуюцца косткі, якія Ты зламаў.

Адвярні аблічча сваё ад грахоў маіх *
і знішчы ўсе мае правіны.

Чыстае сэрца ствары ўва мне, Божа, *
і аднаві ўва мне трывалы дух.

Не адкінь мяне ад свайго аблічча *
і не пазбаў мяне духа Твайго святога.

Вярні мне радасць збаўлення Твайго *
і ўмацуй мяне духам прыхільным.

Навучы няправых шляхам Тваім, *
і бязбожнікі да Цябе вернуцца.

Вызвалі мяне ад крыві, Божа, †
Божа, мой Збаўца, *
няхай славіць язык мой Тваю справядлівасць.

Пане, адкрый мае вусны, *
і вусны мае будуць абвяшчаць Тваю хвалу.

Бо Ты не прагнеш ахвяры, †
усеспаленне, хоць бы даў я, *
Табе не спадабаецца.

Ахвяра Богу – гэта скрушаны дух, *
не пагарджай, Божа, пакорным і прыгнечаным сэрцам.

У сваёй дабрыні будзь ласкавы да Сіёна, *
адбудуй муры Ерузалема.

Тады ўпадабаеш Ты ахвяру справядлівасці, †
прынашэнні і ўсеспаленні, *
і прынясуць цяльцоў на Твой алтар.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Цалкам абмый мяне, Пане, * ад правінаў маіх, / аллелюя.

2 ант. Хрыстус ў сваім целе * ўзнёс грахі нашыя на дрэва крыжа, / аллелюя.

Песня (Ер 14, 17-21)
Плач спакутаванага народу

Наблізілася Валадарства Божае; кайцеся і верце ў Евангелле (Мк 1, 15)

З вачэй Маіх удзень і ўначы *
льюцца слёзы і не сціхаюць,

бо вялікім ударам будзе зломлена дзева, †
дачка Майго народу, *
будзе вельмі аслаблена паражэннем.

Калі выйду на поле – вось забітыя мячом. *
Калі ўвайду ў горад – вось замораныя голадам.

Нават прарок і святар блукаюць па зямлі, *
не разумеючы нічога.

Ці Ты назаўсёды адкінуў Юду? *
Ці стаў агідным для Тваёй душы Сіён?

Чаму Ты нас так ударыў, *
што нельга ўратавацца?

Мы спадзяваліся на спакой, †
але нічога добрага не выйшла, *
на час аздараўлення, але замест гэтага – жах.

Мы ведаем, Пане, наша беззаконне †
і несправядлівасць нашых айцоў, *
бо зграшылі супраць Цябе.

Дзеля імя свайго не адкідай нас, †
не зневажай пасад сваёй славы. *
Памятай, не скасоўвай свой запавет з намі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Хрыстус ў сваім целе * ўзнёс грахі нашыя на дрэва крыжа, / аллелюя.

3 ант. Станьце перад абліччам Пана * з радасным спевам, / аллелюя.

Псальм 100 (99)
Радасць тых, хто ўваходзіць у святыню

Пан хоча, каб адкупленыя спявалі песню перамогі (св. Атаназій)

Усклікай Пану, уся зямля. *
З радасцю служыце Пану.

Станьце перад Яго абліччам *
з радасным спевам.

Ведайце, што Пан ёсць Богам, *
Ён стварыў нас, і мы Ягоныя.

Мы – Яго народ *
і авечкі Ягонай пашы.

Уваходзьце ў брамы Яго з падзякаю, †
на дзядзінцы Ягоныя з гімнам хвалы, *
праслаўляйце і благаслаўляйце Яго імя.

Бо Пан ёсць добры, †
навекі Ягоная міласэрнасць, *
і вернасць Яго з пакалення ў пакаленне.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Станьце перад абліччам Пана * з радасным спевам, / аллелюя.

КАРОТКАЕ ЧЫТАННЕ Дз 5, 30-32
Бог айцоў нашых уваскрасіў Езуса, якога вы схапілі і павесілі на дрэве. Бог узвысіў Яго правіцаю сваёй як Валадара і Збаўцу, каб даць Ізраэлю пакаянне і адпушчэнне грахоў. І мы сведкі гэтых слоў, і Дух Святы, якога Бог даў тым, хто паслухмяны Яму.

КАРОТКІ РЭСПАНСОРЫЙ
К. Пан уваскрос з магілы, * аллелюя, аллелюя.
Н. Пан уваскрос з магілы, * аллелюя, аллелюя.
К. Які за нас памёр на крыжы.
Н. Аллелюя, аллелюя.
К. Хвала Айцу і Сыну, і Духу Святому.
Н. Пан уваскрос з магілы, * аллелюя, аллелюя.

ПЕСНЯ З ЕВАНГЕЛЛЯ

Ант. да песні Захарыі: Хто спажывае Цела Маё і п’е Маю Кроў, * застаецца ўва Мне, а Я ў ім, / аллелюя.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Хто спажывае Цела Маё і п’е Маю Кроў, * застаецца ўва Мне, а Я ў ім, / аллелюя.

ПРОСЬБЫ

Пакорна просім Бога Айца, які даў нам новае жыццё праз уваскрасенне Хрыста:
Асвятляй нас святлом Хрыста.

Божа, у сваіх справах Ты паказаў даўнія намеры, стварыў свет і застаешся верным ва ўсіх пакаленнях,
– выслухай нас, ласкавы Ойча.

Ачысці нас сваёй праўдай і вядзі дарогаю святасці,
– каб мы рабілі тое, што справядлівае і падабаецца Табе.

Няхай заззяе над намі Тваё аблічча,
– каб, вызваленыя ад граху, мы напоўніліся дабротамі Твайго дому.

Праз Хрыста Ты прымірыў нас з сабою,
– адары спакоем нас і ўсіх, хто жыве на зямлі.

Ойча наш.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

У гэту гадзіну святую
Быў Хрыстус узняты на крыжы.
Адкінем жа дрэнныя думкі
І радасць малітвы адчуем.

Няхай той, хто Пана прымае,
Паводзіць сябе беззаганна
І праз выкананне наказаў
Ўдастоіцца Духа Святога.

Пан Езус праз муку на крыжы
Правіну жахлівую знішчыў,
Ад гэтай хвіліны пачаўся
Час радасці і прабачэння.

О Езу, Ты смерць перамогшы,
Хвалою нябеснай нам ззяеш;
Табе і Айцу разам з Духам
Няхай будзе вечная слава. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 22 (21)
Выслухоўванне справядлівага, які зведаў уціск

Загаласіў Езус моцным голасам: «Элі, Элі, лема сабахтані?» (Мц 27, 46)

І (2-12)

Божа, мой Божа, чаму Ты мяне пакінуў? *
Далёкія ад майго збаўлення словы стогну майго.

Божа мой, я клікаў Цябе ўдзень, але Ты не адказаў, *
і ўначы, але не знаходжу спакою.

Аднак Ты, святы, жывеш, *
хвала Ізраэля.

На Цябе спадзяваліся Айцы нашы, *
спадзяваліся, – і Ты ўратаваў іх.

Клікалі Цябе, – і збавіліся, *
Табе даверыліся, і не зведалі сораму.

А я чарвяк, а не чалавек, *
пасмешышча для людзей і пагарда для народу.

Усе, хто бачыць мяне, насміхаюцца з мяне, *
адкрываюць вусны і галавой ківаюць:

«Ён спадзяваўся на Пана, няхай жа вызваліць яго, *
няхай уратуе, калі Яму ён любы».

Бо Ты вывеў мяне з улоння, *
я меў бяспеку на матчыных грудзях.

На Цябе я пакінуты ад маленства, *
ад матчынага ўлоння Ты мой Бог.

Не будзь далёка ад мяне, †
бо набліжаецца мая нядоля *
і няма таго, хто мне дапаможа.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Абступіла мяне мноства валоў, *
акружылі мяне быкі Башана.

Адкрылі на мяне свае пашчы, *
быццам леў, што разрывае і рычыць.

Я разліўся, быццам вада, *
і рассыпаліся ўсе мае косткі,

сэрца маё стала быццам воск, *
растапілася ўва мне.

Маё горла высахла, як гліна, †
мой язык прыліп да паднябення, *
Ты паклаў мяне ў пыле смерці.

Сабакі акружылі мяне, *
зборышча злачынцаў мяне абступіла.

Прабілі рукі мае і ногі, *
я магу палічыць усе мае косткі.

Яны глядзяць і разглядаюць мяне; †
дзеляць вопратку маю між сабою *
і жэрабя кідаюць аб адзежы маёй.

Але Ты, Пане, не адыходзь ад мяне; *
сіла мая, паспяшайся мне на дапамогу.

Уратуй ад мяча маю душу, *
маю адзіную вырві з сабачых лапаў.

Уратуй мяне ад пашчы льва, *
ад рагоў буйвалаў.

Буду абвяшчаць імя Тваё братам маім, *
на сходзе буду праслаўляць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІІ (24-32)

Вы, што баіцеся Пана, праслаўляйце Яго, *
усё патомства Якуба, усхваляй Яго.

Няхай баіцца Яго ўсё патомства Ізраэля, †
бо Ён не адцураўся *
і не пагардзіў пакутамі няшчаснага,

не схаваў ад яго свайго аблічча, *
але выслухаў яго, калі той клікаў.

Ад Цябе мая хвала на вялікім сходзе; *
выканаю абяцанні перад тымі, хто баіцца Яго.

Няхай спажываюць бедныя і насычаюцца, †
няхай хваляць Пана тыя, хто Яго шукае: *
«Няхай сэрцы іхнія жывуць навекі!»

Успомняць і навернуцца да Пана ўсе межы зямлі, *
і паклоняцца перад Табою ўсе плямёны язычнікаў.

Бо валадаранне належыць Пану, *
Ён валадарыць над народамі.

Толькі Яму будуць пакланяцца ўсе, хто спіць у зямлі, *
перад Яго абліччам упадуць усе, хто абяртаецца ў пыл.

Але душа мая будзе жыць для Яго, *
патомства маё будзе служыць Яму.

Наступнаму пакаленню будуць расказваць пра Пана †
і абвесцяць Яго справядлівасць народу, які народзіцца: *
«Гэта ўчыніў Пан!»

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ Дз 2, 32. 36
Езуса ўваскрасіў Бог, чаму ўсе мы сведкі. Няхай кожны дом Ізраэля цвёрда ведае, што гэтага Езуса, якога вы ўкрыжавалі, Бог зрабіў і Панам, і Месіяй.

К. Пан сапраўды ўваскрос, аллелюя.
Н. І з’явіўся Сымону, аллелюя.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Прыйдзіце, пакорныя слугі,
Няхай вашы вусны і розум
Праславяць хвалебнаю песняй
Святое Імя Бога Збаўцы.

Смяротныя ў гэту гадзіну
На муку Хрыста асудзілі.
І быў да крыжа прыбіты
Сам Бог і Суддзя ўсемагутны.

А мы ўсе з належнай любоўю
І з праведнай бояззю просім,
Каб Ён дапамог у змаганні
З нападамі лютага д’ябла.

Няхай нашу шчырую просьбу
Пачуе Айцец наймілейшы,
Сын, што навек валадарыць,
І Дух Найсвяцейшы, у Тройцы. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 22 (21)
Выслухоўванне справядлівага, які зведаў уціск

Загаласіў Езус моцным голасам: «Элі, Элі, лема сабахтані?» (Мц 27, 46)

І (2-12)

Божа, мой Божа, чаму Ты мяне пакінуў? *
Далёкія ад майго збаўлення словы стогну майго.

Божа мой, я клікаў Цябе ўдзень, але Ты не адказаў, *
і ўначы, але не знаходжу спакою.

Аднак Ты, святы, жывеш, *
хвала Ізраэля.

На Цябе спадзяваліся Айцы нашы, *
спадзяваліся, – і Ты ўратаваў іх.

Клікалі Цябе, – і збавіліся, *
Табе даверыліся, і не зведалі сораму.

А я чарвяк, а не чалавек, *
пасмешышча для людзей і пагарда для народу.

Усе, хто бачыць мяне, насміхаюцца з мяне, *
адкрываюць вусны і галавой ківаюць:

«Ён спадзяваўся на Пана, няхай жа вызваліць яго, *
няхай уратуе, калі Яму ён любы».

Бо Ты вывеў мяне з улоння, *
я меў бяспеку на матчыных грудзях.

На Цябе я пакінуты ад маленства, *
ад матчынага ўлоння Ты мой Бог.

Не будзь далёка ад мяне, †
бо набліжаецца мая нядоля *
і няма таго, хто мне дапаможа.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Абступіла мяне мноства валоў, *
акружылі мяне быкі Башана.

Адкрылі на мяне свае пашчы, *
быццам леў, што разрывае і рычыць.

Я разліўся, быццам вада, *
і рассыпаліся ўсе мае косткі,

сэрца маё стала быццам воск, *
растапілася ўва мне.

Маё горла высахла, як гліна, †
мой язык прыліп да паднябення, *
Ты паклаў мяне ў пыле смерці.

Сабакі акружылі мяне, *
зборышча злачынцаў мяне абступіла.

Прабілі рукі мае і ногі, *
я магу палічыць усе мае косткі.

Яны глядзяць і разглядаюць мяне; †
дзеляць вопратку маю між сабою *
і жэрабя кідаюць аб адзежы маёй.

Але Ты, Пане, не адыходзь ад мяне; *
сіла мая, паспяшайся мне на дапамогу.

Уратуй ад мяча маю душу, *
маю адзіную вырві з сабачых лапаў.

Уратуй мяне ад пашчы льва, *
ад рагоў буйвалаў.

Буду абвяшчаць імя Тваё братам маім, *
на сходзе буду праслаўляць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІІ (24-32)

Вы, што баіцеся Пана, праслаўляйце Яго, *
усё патомства Якуба, усхваляй Яго.

Няхай баіцца Яго ўсё патомства Ізраэля, †
бо Ён не адцураўся *
і не пагардзіў пакутамі няшчаснага,

не схаваў ад яго свайго аблічча, *
але выслухаў яго, калі той клікаў.

Ад Цябе мая хвала на вялікім сходзе; *
выканаю абяцанні перад тымі, хто баіцца Яго.

Няхай спажываюць бедныя і насычаюцца, †
няхай хваляць Пана тыя, хто Яго шукае: *
«Няхай сэрцы іхнія жывуць навекі!»

Успомняць і навернуцца да Пана ўсе межы зямлі, *
і паклоняцца перад Табою ўсе плямёны язычнікаў.

Бо валадаранне належыць Пану, *
Ён валадарыць над народамі.

Толькі Яму будуць пакланяцца ўсе, хто спіць у зямлі, *
перад Яго абліччам упадуць усе, хто абяртаецца ў пыл.

Але душа мая будзе жыць для Яго, *
патомства маё будзе служыць Яму.

Наступнаму пакаленню будуць расказваць пра Пана †
і абвесцяць Яго справядлівасць народу, які народзіцца: *
«Гэта ўчыніў Пан!»

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ Гал 3, 27-28
Усе вы, хто ахрысціўся ў Хрыста, у Хрыста апрануліся. Няма ўжо ні юдэя, ні грэка; няма ні раба, ні свабоднага; няма ні мужчыны, ні жанчыны, бо ўсе вы адно ў Хрысце Езусе.

К. Узрадаваліся вучні, аллелюя.
Н. Убачыўшы Пана, аллелюя.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Вось бляскам заззяла гадзіна,
Што крыжа рассеяла цемру,
Зямлю вярнула са змроку,
Нябесным святлом асвяціўшы.

У гэту гадзіну Пан Езус
Вярнуў да жыцця ўсіх памерлых.
І, вывеўшы целы з магілаў,
Даў ім жыццядайнага духа.

Тады абнавіўся свет цэлы,
І смерць сваю страціла сілу,
Пачаўся час радасці вечнай
І ласкаў нябеснага шчасця.

О Езу, Ты, смерць перамогшы,
Хвалою нябеснай нам ззяеш;
Табе і Айцу разам з Духам
Няхай будзе вечная слава. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 22 (21)
Выслухоўванне справядлівага, які зведаў уціск

Загаласіў Езус моцным голасам: «Элі, Элі, лема сабахтані?» (Мц 27, 46)

І (2-12)

Божа, мой Божа, чаму Ты мяне пакінуў? *
Далёкія ад майго збаўлення словы стогну майго.

Божа мой, я клікаў Цябе ўдзень, але Ты не адказаў, *
і ўначы, але не знаходжу спакою.

Аднак Ты, святы, жывеш, *
хвала Ізраэля.

На Цябе спадзяваліся Айцы нашы, *
спадзяваліся, – і Ты ўратаваў іх.

Клікалі Цябе, – і збавіліся, *
Табе даверыліся, і не зведалі сораму.

А я чарвяк, а не чалавек, *
пасмешышча для людзей і пагарда для народу.

Усе, хто бачыць мяне, насміхаюцца з мяне, *
адкрываюць вусны і галавой ківаюць:

«Ён спадзяваўся на Пана, няхай жа вызваліць яго, *
няхай уратуе, калі Яму ён любы».

Бо Ты вывеў мяне з улоння, *
я меў бяспеку на матчыных грудзях.

На Цябе я пакінуты ад маленства, *
ад матчынага ўлоння Ты мой Бог.

Не будзь далёка ад мяне, †
бо набліжаецца мая нядоля *
і няма таго, хто мне дапаможа.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Абступіла мяне мноства валоў, *
акружылі мяне быкі Башана.

Адкрылі на мяне свае пашчы, *
быццам леў, што разрывае і рычыць.

Я разліўся, быццам вада, *
і рассыпаліся ўсе мае косткі,

сэрца маё стала быццам воск, *
растапілася ўва мне.

Маё горла высахла, як гліна, †
мой язык прыліп да паднябення, *
Ты паклаў мяне ў пыле смерці.

Сабакі акружылі мяне, *
зборышча злачынцаў мяне абступіла.

Прабілі рукі мае і ногі, *
я магу палічыць усе мае косткі.

Яны глядзяць і разглядаюць мяне; †
дзеляць вопратку маю між сабою *
і жэрабя кідаюць аб адзежы маёй.

Але Ты, Пане, не адыходзь ад мяне; *
сіла мая, паспяшайся мне на дапамогу.

Уратуй ад мяча маю душу, *
маю адзіную вырві з сабачых лапаў.

Уратуй мяне ад пашчы льва, *
ад рагоў буйвалаў.

Буду абвяшчаць імя Тваё братам маім, *
на сходзе буду праслаўляць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІІ (24-32)

Вы, што баіцеся Пана, праслаўляйце Яго, *
усё патомства Якуба, усхваляй Яго.

Няхай баіцца Яго ўсё патомства Ізраэля, †
бо Ён не адцураўся *
і не пагардзіў пакутамі няшчаснага,

не схаваў ад яго свайго аблічча, *
але выслухаў яго, калі той клікаў.

Ад Цябе мая хвала на вялікім сходзе; *
выканаю абяцанні перад тымі, хто баіцца Яго.

Няхай спажываюць бедныя і насычаюцца, †
няхай хваляць Пана тыя, хто Яго шукае: *
«Няхай сэрцы іхнія жывуць навекі!»

Успомняць і навернуцца да Пана ўсе межы зямлі, *
і паклоняцца перад Табою ўсе плямёны язычнікаў.

Бо валадаранне належыць Пану, *
Ён валадарыць над народамі.

Толькі Яму будуць пакланяцца ўсе, хто спіць у зямлі, *
перад Яго абліччам упадуць усе, хто абяртаецца ў пыл.

Але душа мая будзе жыць для Яго, *
патомства маё будзе служыць Яму.

Наступнаму пакаленню будуць расказваць пра Пана †
і абвесцяць Яго справядлівасць народу, які народзіцца: *
«Гэта ўчыніў Пан!»

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ 1 Кар 5, 7-8
Ачысціце старую закваску, каб быць вам новым цестам, бо вы прэсныя; таму што Пасха нашая, Хрыстус, ахвяраваны за нас! Таму будзем святкаваць не ў старой заквасцы – заквасцы зла і подступу – але ў прэсным хлебе чыстасці і праўды.

К. Застанься з намі, Пане, аллелюя.
Н. Бо ўжо вечарэе, аллелюя.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Спрадвечны наш Валадару
І Сыне Бога адзіны,
Ты на сваё падабенства
Стварыў з зямлі чалавека.

Калі ж ён быў ашуканы
Падманам ворага злога,
Ты вобраз цела людскога
Прыняў ад Дзевы Марыі.

Каб нас з’яднаць з Панам Богам,
Прыйшоў у свет чалавекам;
Праз ласку хросту святога
З грахоў і він адкупіў нас.

З любові да чалавека
Памёр Ты смерцю крыжовай,
І кроў Твая для нас стала
Цаною за адкупленне.

Калі ўваскрос Ты з памерлых,
Айцец на вякі Цябе ўславіў.
Мы верым з сэрцам пабожным,
Што праз Цябе ўваскрэснем.

О стань жа, Езу, для душаў
Пасхальнай радасцю вечнай
І нас, уваскрослых з Табою,
Да выбраных далучы ўжо.

Няхай Цябе, Езу Хрыстэ,
Які перамог ўладу смерці,
Айца і Духа Святога
Ўсе людзі славяць навекі. Амэн.

ПСАЛЬМОДЫЯ

1 ант. Я – Пан, твой Збаўца і твой Адкупіцель, * аллелюя.

Псальм 135 (134)
Хвала Пану, які чыніць цуды

Вы, народ, узяты Богам ва ўласнасць, абвяшчайце цноты таго, хто паклікаў вас з цемры ў цудоўнае святло сваё (пар. 1 П 2, 9)

І (1-12)

Хваліце імя Пана, *
хваліце, слугі Пана,

што стаіце ў доме Пана, *
на дзядзінцах дому нашага Бога.

Хваліце Пана, бо Ён добры, *
спявайце імені Яго, бо гэта прыемна.

Бо Пан выбраў сабе Якуба, *
Ізраэль – ва ўласнасць сваю.

Бо я ведаю, што Пан вялікі, *
наш Бог па-над усімі багамі.

Усё, што хоча, Пан учыніць на небе і на зямлі, *
на моры і ва ўсіх глыбінях.

Ён падымае хмары з краёў зямлі, †
робіць маланкі для дажджу *
і выводзіць вецер са сховішчаў сваіх.

Ён паразіў першародных у Егіпце, *
ад чалавека да жывёлы.

Паслаў знакі і цуды пасярод цябе, Егіпет, *
супраць фараона і ўсіх яго слугаў.

Ён паразіў шматлікія народы *
і пазабіваў магутных каралёў:

Сіхона, караля Амарэяў, і Ога, караля Башана, *
і ўсе каралеўствы Канаана.

І даў іх зямлю ў спадчыну, *
у спадчыну Ізраэлю, свайму народу.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Я – Пан, твой Збаўца і твой Адкупіцель, * аллелюя.

2 ант. Благаслаўлёнае валадарства айца нашага Давіда, * якое надыходзіць, / аллелюя.

ІІ (13-21)

Пане, імя Тваё навекі, *
Пане, памяць пра Цябе з пакалення ў пакаленне.

Бо Пан будзе судзіць свой народ *
і праявіць міласэрнасць да сваіх слугаў.

Ідалы язычнікаў – гэта срэбра і золата, *
тварэнне чалавечых рук.

У іх ёсць вусны, але яны не гавораць, *
у іх ёсць вочы, але яны не бачаць;

у іх ёсць вушы, але яны не чуюць, *
і няма ў іхніх вуснах дыхання.

Няхай тыя, хто іх робіць, прыпадобняцца да іх, *
і ўсе, хто на іх спадзяецца.

Дом Ізраэля, благаславі Пана; *
дом Аарона, благаславі Пана;

дом Левія, благаславі Пана; *
хто баіцца Пана, благаславіце Пана.

Благаслаўлёны Пан з Сіёна, *
які жыве ў Ерузалеме.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Благаслаўлёнае валадарства айца нашага Давіда, * якое надыходзіць, / аллелюя.

3 ант. Заспяваем Пану, * бо Ён узвысіўся, / аллелюя.

Песня (Ап 15, 3-4)
Гімн пакланення

Вялікія і цудоўныя справы Твае, *
Пане Божа ўсемагутны.

Справядлівыя і праўдзівыя шляхі Твае, *
Валадару народаў.

Хто ж не будзе баяцца, Пане, *
і не праславіць імені Твайго?

Таму што Ты адзін Святы, †
таму што ўсе народы прыйдуць *
і паклоняцца перад Табою,

бо аб’явіліся *
Твае справядлівыя прысуды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Заспяваем Пану, * бо Ён узвысіўся, / аллелюя.

КАРОТКАЕ ЧЫТАННЕ Гбр 5, 8-10
Хрыстус, хоць быў Сынам, навучыўся паслухмянасці праз тое, што выцерпеў. І, будучы дасканалым, стаў для ўсіх, хто Яму паслухмяны, прычынаю вечнага збаўлення; і Богам быў абвешчаны першасвятаром на ўзор Мэльхізэдэка.

КАРОТКІ РЭСПАНСОРЫЙ
К. Узрадаваліся вучні, * аллелюя, аллелюя.
Н. Узрадаваліся вучні, * аллелюя, аллелюя.
К. Убачыўшы Пана.
Н. Аллелюя, аллелюя.
К. Хвала Айцу і Сыну, і Духу Святому.
Н. Узрадаваліся вучні, * аллелюя, аллелюя.

ПЕСНЯ З ЕВАНГЕЛЛЯ

Ант. да песні Марыі: Укрыжаваны ўваскрос з мёртвых * і адкупіў нас, / аллелюя.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Укрыжаваны ўваскрос з мёртвых * і адкупіў нас, / аллелюя.

ПРОСЬБЫ

Праслаўляем Хрыста – дарогу, праўду і жыццё і ўсклікаем да Яго:
Сыне Бога жывога, благаславі свой народ.

Просім Цябе, Хрыстэ, за ўсіх слугаў Твайго Касцёла, каб, дзелячыся з братамі хлебам жыцця,
– яны жывіліся і падмацоўваліся самі.

Просім Цябе за ўвесь хрысціянскі народ, каб ён годна жыў у Тваім пакліканні
– і служыў еднасці Духа ў повязі спакою.

Просім Цябе за ўсіх, хто кіруе намі, каб яны выконвалі абавязкі справядліва і міласэрна,
– каб паміж усімі народамі ўсталявалася згода і спакой.

Просім Цябе, зрабі нас годнымі праслаўляць Цябе шчырым сэрцам у супольнасці святых
– разам з нашымі памерлымі братамі, якіх мы даручаем Тваёй дабрыні.

Ойча наш.

МАЛІТВА

Усемагутны Божа, Ты даў нам спазнаць таямніцу ўваскрасення Пана, учыні, каб праз ласку Духа Святога і мы паўсталі да новага жыцця ў любові. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О, Езу, Збавіцель сусвету,
Спрадвечнае Слова Айца,
Святло незвычайнага бляску,
Нястомны ахоўнік людзей.

Стварыцель усяго наймудрэйшы,
Кіруеш гадзінамі дня;
Каб аздаравіць стому цела,
Начны адпачынак нам даў.

Ты зруйнаваў моцы пекла,
Ад ворага вызвалі нас,
Каб ён не зняволіў спакусай
Ахопленых мукай Тваёй.

Пакуль нашае кволае цела
Знаходзіць у сне адпачынак,
Няхай розум будзе бадзёрым
І верна чувае з Табою.

Табе, уваскрослы наш Пане,
Няхай будзе слава й пашана
У Тройцы Святой і Адзінай
Няспынна ва ўсе вякі. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 88 (87)
Малітва ў цяжкой хваробе

Цяпер – ваша гадзіна і ўлада цемры (Лк 22, 53)

Пане, Божа збаўлення майго, *
удзень і ўначы я Цябе клікаў.

Няхай мая малітва дойдзе да Твайго аблічча, *
схілі вуха сваё да крыку майго.

Бо душа мая насыцілася няшчасцямі, *
і жыццё маё наблізілася да адхлані.

Мяне залічваюць да тых, хто сыходзіць у магілу, *
я стаў быццам чалавек, пазбаўлены сілы.

Паміж мёртвымі я пакінуты, *
як забітыя, што спяць у магіле,

пра якіх Ты больш не ўспамінаеш, *
яны адкінутыя ад Тваёй рукі.

Ты паклаў мяне ў глыбокім доле, *
у змроку і ў бездані.

Спачыла на мне Твая лютасць, *
і ўсе хвалі Твае Ты спаслаў на мяне.

Ты аддаліў ад мяне маіх знаёмых, †
зрабіў мяне ганьбаю для іх, *
я замкнёны, і не магу выйсці.

Маё вока слабне ад цярпення. †
Штодня я клічу Цябе, Пане, *
да Цябе працягваю рукі мае.

Ці ж памерлым Ты ўчыніш цуды, *
ці ж мёртвыя ўстануць і будуць славіць Цябе?

Ці ў магіле абвяшчаецца Твая міласэрнасць, *
а праўда Твая ў месцы згубы?

Хіба ў цемры пазнаюць Твае цуды *
і ў краіне забыцця Тваю справядлівасць?

Але я клічу Цябе, Пане, *
і раніцай мая малітва Цябе сустракае.

Чаму адкідаеш, Пане, душу маю, *
хаваеш аблічча сваё ад мяне?

Я ўбогі і паміраю з маладосці, *
нясу цяжар страху перад Табой і знясілеў.

Прайшоў нада мною Твой гнеў, *
а жах перад Табою знішчае мяне.

Акружаюць мяне кожны дзень, як вада, *
атачаюць мяне з усіх бакоў адразу.

Ты аддаліў ад мяне сяброў і блізкіх, *
і цемра – маё таварыства.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн. 

Ант. Аллелюя, * аллелюя, аллелюя.

КАРОТКАЕ ЧЫТАННЕ пар. Ер 14, 9
Пане, Ты сярод нас, і Тваё святое імя было паклікана над намі. Не пакідай нас, Пане Божа наш. 

К. У рукі Твае, Пане, аддаю я дух мой, * аллелюя, аллелюя.
Н. У рукі Твае, Пане, аддаю я дух мой, * аллелюя, аллелюя.
К. Ты нас адкупіў, Пане Божа верны.
Н. Аллелюя, аллелюя.
К. Хвала Айцу і Сыну, і Духу Святому.
Н. У рукі Твае, Пане, аддаю я дух мой, * аллелюя, аллелюя. 

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі, / аллелюя.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі, / аллелюя.

МАЛІТВА

Усемагутны Божа, Твой Адзінародны Сын памёр і быў пахаваны, дапамажы нам стаць падобнымі да Яго, каб мы маглі разам з Ім уваскрэснуць для новага жыцця. Які жывеш і валадарыш на векі вечныя. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Уладарка неба, усцешся, аллелюя.
Бо той, каго пад сэрцам насіла, аллелюя.
Уваскрос Ён, як прадказаў, аллелюя.
Богу за нас маліся, аллелюя.