Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Прыйдзіце, паклонімся Валадару, / які за нас быў узнесены на крыжы.

Псальм 67 (66)
Няхай усе народы праслаўляюць Пана

Ведайце, што гэта Божае збаўленне паслана да язычнікаў (Дз 28, 28) 

Няхай Бог змілуецца над намі і благаславіць нас, *
няхай заззяе аблічча Яго над намі,

каб на зямлі мы спазналі Ягоную дарогу, *
між усімі народамі Яго збаўленне.

Ант. Прыйдзіце, паклонімся Валадару, / які за нас быў узнесены на крыжы.

Няхай славяць Цябе народы, Божа, *
няхай славяць Цябе народы ўсе.

Няхай весяляцца і радуюцца ўсе плямёны, †
бо Ты судзіш народы паводле праўды *
і плямёнамі на зямлі кіруеш.

Ант. Прыйдзіце, паклонімся Валадару, / які за нас быў узнесены на крыжы.

Няхай славяць Цябе народы, Божа, *
няхай славяць Цябе народы ўсе.

Зямля прынесла свой плён; *
няхай Бог, наш Бог нас благаслаўляе.

Няхай Бог нас благаслаўляе, *
няхай баяцца Яго ўсе межы зямлі.

Ант. Прыйдзіце, паклонімся Валадару, / які за нас быў узнесены на крыжы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Прыйдзіце, паклонімся Валадару, / які за нас быў узнесены на крыжы.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Вітай, святы крыжу, адзіная радасць, 
Надзея праўдзівая, вітай, гонар свету,
Ратунак у горы і знак адкуплення,
Жыцця дрэва слаўнае ўсіх пакаленняў.

Пашана табе, жыццядайнае дрэва,
З цябе атрымалі мы вызваленне.
Найбольшы ў свеце наш скарб і збаўленне,
Табе спеў падзякі няхай узнясецца. 

Хвала Айцу Богу за крыж Яго Сына,
І Духу любові бясконцая слава,
Бо крыж трыумфуе, а радасць анёлаў
Спакоем усіх напаўняе. Амэн.

ПСАЛЬМОДЫЯ

1 ант.  Вось крыж Хрыста, * уцякайце Яго ворагі, / перамог леў з пакалення Юды, / корань Давіда, / аллелюя.

Псальм 2

Чаму бунтуюцца язычнікі *
і народы задумалі марнае?

Паўстаюць каралі зямлі, †
і сыходзяцца разам князі *
супраць Пана і памазаніка Яго:

«Парвём іхнія кайданы і скінем з сябе іхняе ярмо!» †
Той, хто жыве ў нябёсах, пасмяецца, *
Пан будзе насміхацца з іх.

Тады скажа ім у гневе сваім *
і спалохае іх сваёй лютасцю:

«Я намасціў караля Майго на Сіёне, *
на святой гары Маёй!»

Абвяшчу пастанову Пана. †
Ён мне сказаў: «Ты сын Мой, *
Я цябе сёння нарадзіў.

Прасі ў Мяне, і дам народы ў спадчыну табе *
і межы зямлі ва ўладанне тваё.

Ударыш іх жалезным кіем, *
разаб’еш іх як посуд ганчара».

А цяпер, каралі, зразумейце, *
навучыцеся, суддзі зямлі.

З бояззю служыце Пану *
і радуйцеся з хваляваннем.

Трымайцеся вучэння, †
каб Ён не разгневаўся і вы не загінулі ў дарозе, *
бо гнеў Ягоны неўзабаве запалае.

Шчаслівыя ўсе, *
хто на Яго спадзяецца.

1 ант.  Вось крыж Хрыста, * уцякайце Яго ворагі, / перамог леў з пакалення Юды, / корань Давіда, / аллелюя.

2 ант.  Праз крыж узвысілася над зямлёю і небам * святое імя Пана, / аллелюя.

Псальм 8

О Пане, Божа наш, *
якое велічнае імя Тваё па ўсёй зямлі. 

Веліч Твая ўзносіцца *
па-над нябёсамі. 

З вуснаў дзяцей і немаўлят Ты ўчыніў хвалу †
насуперак ворагам сваім, *
каб зрабіць нямым непрыяцеля і мсціўцу.

Калі я бачу Твае нябёсы, справу пальцаў Тваіх, *
месяц і зоркі, якія Ты ўмацаваў, думаю,

чым ёсць чалавек, што Ты пра яго памятаеш, *
і сын чалавечы, што Ты ўзгадваеш пра яго?

Ты ўчыніў яго мала меншым ад анёлаў, *
славаю і веліччу ўвянчаў яго.

Паставіў яго валадаром над справай рук Тваіх, *
усё паклаў яму пад ногі.

Авечак і жывёлу ўсялякую, *
і звяроў дзікіх, 

птушак нябесных і рыбу марскую, *
і ўсё, што ходзіць сцежкамі марскімі.

Пане, Божа наш, *
якое велічнае імя Тваё па ўсёй зямлі!

2 ант.  Праз крыж узвысілася над зямлёю і небам * святое імя Пана, / аллелюя.

3 ант. О благаслаўлёны крыж, * ты адзіны быў годны насіць / Валадара нябёсаў і Пана, / аллелюя.

Псальм 96 (95)

Спявайце Пану новую песню, *
спявай Пану, уся зямля.

Спявайце Пану, слаўце Ягонае імя, *
абвяшчайце з дня ў дзень Яго збаўленне.

Апавядайце між плямёнамі пра славу Яго, *
паміж усімі народамі пра цуды Ягоныя.

Бо вялікі Пан і вельмі праслаўлены, *
Ён грозны па-над усімі багамі.

Бо ўсе багі народаў – ідалы, *
а Пан стварыў нябёсы.

Хвала і веліч перад Яго абліччам, *
моц і прыгажосць у Ягонай святыні.

Аддайце Пану, плямёны народаў, †
аддайце Пану славу і моц, *
аддайце Пану славу імя Ягонага.

Прыносьце ахвяры †
і ўваходзьце ў Ягоныя дзядзінцы. *
Пакланіцеся Пану ў велічнай святыні. 

Дрыжы, уся зямля, *
перад Яго абліччам.

Кажыце між плямёнамі:*
«Пан валадарыць!» 

Ён сусвет умацаваў, †
каб той не пахіснуўся; *
Ён будзе судзіць народы справядліва.

Няхай радуюцца нябёсы і весяліцца зямля, *
няхай шуміць мора і ўсё, што яго напаўняе.

Няхай усцешыцца поле і ўсё, што на ім, *
няхай усклікаюць тады ўсе дрэвы лясныя.

Перад абліччам Пана, які прыходзіць, *
які прыходзіць судзіць зямлю.

Ён будзе судзіць свет справядліва, *
а народы паводле сваёй праўды.

3 ант. О благаслаўлёны крыж, * ты адзіны быў годны насіць / Валадара нябёсаў і Пана, / аллелюя.

К.  Як Майсей узняў змея ў пустыні.

Н.  Так павінен быць узняты Сын Чалавечы.

Першае чытанне

Пасланне св. апостала Паўла да Галатаў 2, 19 – 3, 7. 13-14; 6, 14-16

Хвала крыжа

Браты: Я, Павел, праз Закон памёр для Закону, каб жыць дзеля Бога. Я ўкрыжаваны разам з Хрыстом. І ўжо не я жыву, а жыве ўва мне Хрыстус. А што цяпер жыву ў целе, то жыву вераю ў Сына Божага, які палюбіў мяне і аддаў сябе за мяне. Не адкідаю ласкі Божай. А калі апраўданне дасягаецца праз Закон, то Хрыстус памёр дарэмна. 

О неразумныя галаты, перад вачыма якіх быў накрэслены вобраз укрыжаванага Езуса Хрыста, хто зачараваў вас? Толькі пра адно хачу ад вас даведацца: ці праз учынкі паводле Закону вы атрымалі Духа, ці праз паслухмянасць адносна веры? Ці вы такія неразумныя, каб распачатае Духам завяршыць цяпер целам? Няўжо марна вы столькі перацярпелі? Можа і сапраўды марна! Ці той, хто дае вам Духа і здзяйсняе між вамі знакі, робіць гэта праз учынкі паводле Закону або праз паслухмянасць веры? 

Так, Абрагам паверыў Богу, і гэта залічана яму за справядлівасць. Дык ведайце, што тыя, хто верыць, гэта сыны Абрагама. 

Хрыстус адкупіў нас ад праклёну Закону, стаўшы праклёнам за нас, бо напісана: «Пракляты кожны, хто вісіць на дрэве», каб благаслаўленне Абрагама праз Хрыста Езуса пашырылася на язычнікаў, каб мы атрымалі праз веру абяцанага Духа.

Няхай мне не давядзецца хваліцца нічым, акрамя крыжа Пана нашага Езуса Хрыста, праз якога свет укрыжаваны для мяне, а я – для свету. 

Бо ні абразанне нічога не значыць, ні адсутнасць абразання, але новае стварэнне. І над усімі, хто будзе паступаць паводле гэтага правіла, – спакой і міласэрнасць, а таксама над Ізраэлем Божым.

Рэспансорый пар. Гал 6, 14а; пар. Гбр 2, 9b

Н. Хвалімся крыжам Пана нашага Езуса Хрыста, у якім нашае збаўленне, жыццё і ўваскрасенне, * праз Яго мы атрымліваем вызваленне і свабоду.

К. За цярпенні смерці быў увенчаны славаю і пашанаю. Н. Праз Яго.

Другое чытанне

Малітва св. Андрэя Крыцкага, біскупа

(Oratio 10 in Exaltatione sanctæ crucis: PG 97, 1018-1019. 1022-1023) 

Хвалою і ўзвышэннем Хрыста з’яўляецца крыж

Сёння мы адзначаем урачыстасць святога крыжа, які рассеяў цемру і вярнуў святло. Адзначаем урачыстасць крыжа і разам з Укрыжаваным узносімся ўгару, каб, пакінуўшы зямлю і грахі, мы атрымалі нябесныя даброты. Вось якой цудоўнай і непараўнальнай рэччу з’яўляецца валоданне крыжом. Хто мае крыж, той мае скарб. Я слушна назваў скарбам тое, што з назвы і на самай справе з’яўляецца найцудоўнейшым з усіх дабротаў. Бо праз яго, дзякуючы яму і ў ім адкрываецца сутнасць нашага збаўлення і вяртанне да першаснага стану.

Калі б не было крыжа, Хрыстус не быў бы ўкрыжаваны. Калі б не было крыжа, Жыццё не было б прыбіта цвікамі да дрэва. Калі б не было прыбітае цвікамі, з боку не выцякла б кроў і вада дзеля ачышчэння свету, не быў бы знішчаны запіс грахоў і мы б не атрымалі свабоду, не радаваліся б дрэву жыцця, а рай бы не адкрыўся. Калі б не было крыжа, не была б пераможана смерць, пекла не страціла б сваёй моцы.

Таму вялікай і каштоўнай рэччу з’яўляецца крыж. Вялікай, бо праз яго мы атрымалі шмат дабротаў, настолькі шмат, наколькі большасць з іх з’яўляецца плёнам цудаў і цярпенняў Хрыста. Каштоўнай, бо крыж з’яўляецца знакам мукі і трыумфу Бога: знакам мукі з прычыны дабравольнай смерці ў пакутах; знакам трыумфу, бо дзякуючы яму быў паранены сатана, а разам з ім была пераможана смерць; бо былі разбураны брамы пекла, а крыж стаў для ўсяго свету паўсюдным знакам збаўлення.

Крыж з’яўляецца хвалою і ўзвышэннем Хрыста. Гэта каштоўны келіх, які збірае ўсе цярпенні, якія выцерпеў за нас Хрыстус. Аб тым, што крыж з’яўляецца хвалою Хрыста, даведайся з Яго словаў: «Цяпер уславіўся Сын Чалавечы, а Бог уславіўся ў Ім, і хутка ўславіць Яго» (Ян 13, 31. 32). І зноў жа: «Ойча, услаў Мяне ў сабе хвалою, якую меў Я ў Цябе перад існаваннем свету» (Ян 12, 28). І яшчэ: «“Ойча, услаў імя сваё!” І пачуўся з неба голас: “Уславіў і ўслаўлю зноў!”» (Ян 12, 28). Гэтыя словы ўказвалі на славу, якую Ён павінен быў атрымаць на крыжы.

Аб тым, што крыж з’яўляецца таксама ўзвышэннем Хрыста, паслухай, што Ён сам кажа: «Я, калі буду ўзняты над зямлёю, усіх прыцягну да сябе» (Ян 12, 32). Таму бачыш: крыж з’яўляецца хвалою і ўзвышэннем Хрыста.

 

Рэспансорый 

Н. О цудоўны крыж, у якім утоены скарб і вызваленне зняволеных, * праз які свет атрымаў адкупленне праз кроў яго Пана.

К. Вітай, крыж, асвячаны целам Хрыста; яго члены ўпрыгожылі цябе нібы каштоўныя камяні. Н. Праз які.

ГІМН

Цябе, Бога, праслаўляем,
Табе, Пане, хвала вечна.

Неба і зямля спявае
Табе, Ойча векавечны.

Табе, Божа, ўсе анёлы,
3 імі Моцы і Нябёсы,

Херубімы, cерафімы
Гімн хвалы адвечны ўзносяць.

Святы, Святы над святымі
Бог магутны і ласкавы,

Над зямлёй і небам слыне
Неабсяжнасць Тваёй славы.

I Апосталы, і вучні,
Хор прарокаў, поўны хвалы,

3 імі мучанікаў лучнасць
Аддаюць Табе пашану.

У сугучным хоры льецца
Па усёй зямлі наўкола

Табе хвала з нашых сэрцаў,
Спеў святы Твайго Касцёла.

Сына з Духам суцяшэння,
Велічы Айца прамністай

Праслаўляе ўсё стварэнне, –
Валадар хвалы Ты, Хрыстэ.

Каб жа выбавіць свет цэлы
Праз свае святыя раны,

Сын Айца спрадвечны, цела
Ты прыняў ва ўлонні Панны.

Зруйнаваў Ты брамы смерці,
На крыжы ёй вырваў джала,

Каб для ўсіх, хто ў Цябе верыць,
Радасць вечная заззяла.

Праваруч Айца, у славе
Трон Твой, Збаўца наш адзіны,

Прыйдзеш зноў адтуль у яве,
Каб судзіць людскія чыны.

Грэшным Ты не дай загінуць, –
Будзь нам Збаўцам, не Суддзёю

I абмый нас ад правінаў
Дарагой сваёй крывёю.

Са святымі, ў бляску моцы
Захавай Тваіх абраных,

Пане, збаў народ Твой, просім,
Благаслаў Тваіх падданых.

Гэтую апошнюю частку гімна можна па жаданні прапусціць.

Шляхам нас вядзі бяспечным
У нябесны Ерузалем.

Цябе, Валадар адвечны,
Мы штодзённа праслаўляем.

Праз вякі гучыць няспынна
Спеў, што славіць Твае справы.

Пане, ад усіх правінаў
Захаваць нас будзь ласкавы.

Не пакінь жа свайго люду,
Божа, без Тваёй апекі.

Пану веру, дык не буду
Асаромлены навекі.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Хвалебны крыж перамогі,
Што знішчыў смерці кайданы,
Стаў знакам любові Хрыстовай
Для грэшных і заблукалых.

Узвышаецца крыж над светам,
Вышэй за лібанскія кедры,
Каштоўней няма ўжо дрэва,
Што цела Хрыста насіла.

О Езу, Кароль міласэрны,
З крыжа нам спашлі дапамогу,
Будзь з намі ў час спакусаў,
Умацуй нас мукай сваёю.

Хай вусны Цябе праслаўляюць,
А сэрца палае любоўю.
У кожным народзе і часе
Хай веліч крыжа Твайго ззяе.

Айцу, Яго Сыну і Духу
Няхай будзе вечная слава
За ласку з крыжа, што сыходзіць
І нас аднаўляе. Амэн.

ПСАЛЬМОДЫЯ

1 ант. На крыж узышоў святы, * які перамог пекла, / і, апрануўшыся ў моц, / уваскрос на трэці дзень.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. На крыж узышоў святы, * які перамог пекла, / і, апрануўшыся ў моц, / уваскрос на трэці дзень.

2 ант. Ззяе благаслаўлёны крыж, * на якім быў укрыжаваны Пан, / што абмыў нашыя раны сваёй крывёю.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. Ззяе благаслаўлёны крыж, * на якім быў укрыжаваны Пан, / што абмыў нашыя раны сваёй крывёю.

3 ант. Крыж перамагае, * крыж валадарыць, крыж знішчае кожны грэх, / крыж нясе збаўленне ўсяму свету, / аллелюя.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Крыж перамагае, * крыж валадарыць, крыж знішчае кожны грэх, / крыж нясе збаўленне ўсяму свету, / аллелюя.

Кароткае чытанне Гбр 2, 9-10

Мы бачым Езуса, які быў мала меншым ад анёлаў, увенчаны славаю і пашанаю, бо спазнаў смерць, каб з ласкі Божай за ўсіх пакаштаваць смерці. Бо належала, каб той, дзеля якога ўсё і праз якога ўсё, які прывёў да славы многіх сыноў, учыніў дасканалым праз цярпенні правадыра збаўлення іхняга.

Кароткі рэспансорый

К. Кланяемся Табе, Хрыстэ, * і благаслаўляем Цябе.
Н. Кланяемся.
К. Бо праз крыж свой свет адкупіў Ты.
Н. І благаслаўляем.
К. Хвала Айцу.
Н. Кланяемся.

ПЕСНЯ З ЕВАНГЕЛЛЯ

Ант. да песні Захарыі: Ушаноўваем Твой крыж, Пане, * услаўляем Тваё святое ўваскрасенне, / бо праз дрэва крыжа прыйшла радасць усяму свету.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Ушаноўваем Твой крыж, Пане, * услаўляем Тваё святое ўваскрасенне, / бо праз дрэва крыжа прыйшла радасць усяму свету.

ПРОСЬБЫ

З даверам просім нашага Адкупіцеля, які праз свой крыж прынёс нам збаўленне:

Праз крыж свой збаў нас, Пане.

Сыне Божы, Ты праз знак медзянага змея аздаравіў ізраэльскі народ,

– захавай нас сёння ад сапсаванасці грахом.

Сыне Чалавечы, Ты быў узвышаны на крыжы, падобна як змей быў узнесены Майсеем на пустыні,

– адары нас радасцю свайго валадарства.

Сыне Адзінародны, Цябе даў Айцец свету, каб ніхто з верных не загінуў,

– адары ласкаю веры нашых блізкіх, каб яны не загінулі.

Спрадвечны Сыне Айца, Ты прыйшоў кінуць агонь на зямлю і жадаў, каб ён ужо загарэўся,

– учыні, каб мы жылі згодна з праўдай і прыйшлі да святла.

Ойча наш.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Трываючы ў малітве і чуванні,
калі настане трэцяя гадзіна,
з пабожным сэрцам будзем праслаўляць
славу і моц Святой Адзінай Тройцы.

Каб сталі мы жыллём Святога Духа,
які калісьці ў гэтую гадзіну
спасланы быў Апосталам з нябёсаў
як дар вялікай міласці Хрыстовай.

Той, хто стварыў нябёсаў валадарства,
цудоўным чынам свет наш упрыгожыў,
уліў у сэрцы радасць, суцяшэнне,
аздобіў усё для вечнай узнагароды.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Збаў нас, Хрыстэ Збаўца, праз моц крыжа; * Ты ўратаваў Пятра на моры, / змілуйся над намі.

Псальм 119 (118), 129-136
ХVІІ (Пэ)
Разважанне над Божым словам, змешчаным у Законе

Любоў ёсць выкананнем Закону (Рым 13, 10)

Цудоўныя сведчанні Твае, *
таму захоўвае іх душа мая.

Адкрыццё словаў Тваіх асвятляе *
і дае разуменне простым.

Адкрываю вусны мае і ўздыхаю, *
бо прагну запаведзяў Тваіх.

Паглядзі на мяне і змілуйся нада мною, *
як робіш тым, хто любіць Тваё імя.

Умацуй мае крокі Тваім словам, *
няхай не пануе нада мною ніякае беззаконне.

Уратуй мяне ад чалавечага насілля, *
і я буду захоўваць Твае наказы.

Пакажы слугу Твайму святло свайго аблічча *
і навучы мяне Тваім пастановам.

Патокі слёз ліюцца з маіх вачэй, *
бо не захоўваюць Твой закон.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Збаў нас, Хрыстэ Збаўца, праз моц крыжа; * Ты ўратаваў Пятра на моры, / змілуйся над намі.

Псальм 82 (81)
Супраць несправядлівых суддзяў

Не судзіце заўчасна, пакуль не прыйдзе Пан (1 Кар 4, 5)

Бог стаіць на Божым сходзе, *
сярод багоў здзяйсняе суд.

Дакуль будзеце судзіць несправядліва *
і падтрымліваць беззаконных.

Рассудзіце беднага і сірату, *
апраўдайце прыгнечанага і ўбогага.

Вызваляйце беднага і ўбогага, *
вырывайце з рук бязбожных.

Яны не ведаюць і не разумеюць, †
ходзяць у цемры; *
пахіснуліся ўсе падмуркі зямлі.

Я сказаў: «Вы – багі, *
і ўсе вы – сыны Найвышэйшага».

Але вы памрэце, як людзі, *
паўпадаеце, як кожны з вяльможаў.

Паўстань, о Божа, каб судзіць зямлю, *
бо Твая спадчына – усе народы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 120 (119)
Туга па спакоі

Ва ўціску будзьце цярплівыя, у малітве – трывалыя (Рым 12, 12)

Да Пана ўсклікаў я ў сваёй нядолі, *
і Ён пачуў мяне.

Пане, уратуй маё жыццё †
ад ілжывых вуснаў, *
ад падступнага языка.

Што дасць табе і што дадасць табе *
падступны язык?

Вострыя стрэлы ваяра, *
з ядлоўцу гарачыя вуглі.

Гора мне, што я знаходжуся ў Мэшэх, *
што жыву ў шатрах Кедара!

Занадта доўга мая душа была з тымі, *
хто ненавідзіць спакой.

Я – міралюбны, *
а толькі прамоўлю, яны – за вайну.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Гбр 5, 7-9

Хрыстус у дні свайго цела з моцным голасам і са слязьмі ўзнёс малітвы і просьбы да таго, хто мог уратаваць Яго ад смерці, і быў выслуханы за сваю пакорлівасць. Хоць быў Сынам, навучыўся паслухмянасці праз тое, што выцерпеў. І, будучы дасканалым, стаў для ўсіх, хто Яму паслухмяны, прычынаю вечнага збаўлення. 

К. Кланяемся Табе, Хрыстэ, і благаслаўляем Цябе.

Н. Бо праз крыж свой свет адкупіў Ты.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Ужо настала шостая гадзіна,
якая заклікае шчырым духам
аддаць хвалу і пакланенне Пану,
Малітвамі Стварыцеля праславіць.

Бо вернікам у гэтую гадзіну.
адкрыўся шлях праўдзівага збаўлення:
ахвяра бласлаўлёнага Баранка
і моц крыжа Ягонага заззяла.

Святло Яго – яснейшае за поўдзень.
Ён ласку сее, нібы промні сонца.
Удзячныя за наша адкупленне,
мы прымем дар Яго ў нашы сэрцы.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Збаўца свету, збаў нас; * Ты праз крыж і сваю кроў адкупіў нас, / дапамагай нам, / просім Цябе, наш Божа.

Псальм 119 (118), 129-136
ХVІІ (Пэ)
Разважанне над Божым словам, змешчаным у Законе

Любоў ёсць выкананнем Закону (Рым 13, 10)

Цудоўныя сведчанні Твае, *
таму захоўвае іх душа мая.

Адкрыццё словаў Тваіх асвятляе *
і дае разуменне простым.

Адкрываю вусны мае і ўздыхаю, *
бо прагну запаведзяў Тваіх.

Паглядзі на мяне і змілуйся нада мною, *
як робіш тым, хто любіць Тваё імя.

Умацуй мае крокі Тваім словам, *
няхай не пануе нада мною ніякае беззаконне.

Уратуй мяне ад чалавечага насілля, *
і я буду захоўваць Твае наказы.

Пакажы слугу Твайму святло свайго аблічча *
і навучы мяне Тваім пастановам.

Патокі слёз ліюцца з маіх вачэй, *
бо не захоўваюць Твой закон.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Збаўца свету, збаў нас; * Ты праз крыж і сваю кроў адкупіў нас, / дапамагай нам, / просім Цябе, наш Божа.

Псальм 82 (81)
Супраць несправядлівых суддзяў

Не судзіце заўчасна, пакуль не прыйдзе Пан (1 Кар 4, 5)

Бог стаіць на Божым сходзе, *
сярод багоў здзяйсняе суд.

Дакуль будзеце судзіць несправядліва *
і падтрымліваць беззаконных.

Рассудзіце беднага і сірату, *
апраўдайце прыгнечанага і ўбогага.

Вызваляйце беднага і ўбогага, *
вырывайце з рук бязбожных.

Яны не ведаюць і не разумеюць, †
ходзяць у цемры; *
пахіснуліся ўсе падмуркі зямлі.

Я сказаў: «Вы – багі, *
і ўсе вы – сыны Найвышэйшага».

Але вы памрэце, як людзі, *
паўпадаеце, як кожны з вяльможаў.

Паўстань, о Божа, каб судзіць зямлю, *
бо Твая спадчына – усе народы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 120 (119)
Туга па спакоі

Ва ўціску будзьце цярплівыя, у малітве – трывалыя (Рым 12, 12)

Да Пана ўсклікаў я ў сваёй нядолі, *
і Ён пачуў мяне.

Пане, уратуй маё жыццё †
ад ілжывых вуснаў, *
ад падступнага языка.

Што дасць табе і што дадасць табе *
падступны язык?

Вострыя стрэлы ваяра, *
з ядлоўцу гарачыя вуглі.

Гора мне, што я знаходжуся ў Мэшэх, *
што жыву ў шатрах Кедара!

Занадта доўга мая душа была з тымі, *
хто ненавідзіць спакой.

Я – міралюбны, *
а толькі прамоўлю, яны – за вайну.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Эф 1, 7-8а

У Хрысце мы маем адкупленне Ягонаю крывёю, дараванне правінаў паводле багацця ласкі Ягонай, якою шчодра адарыў нас. 

К. Няхай уся зямля кланяецца Табе і спявае.

Н. Няхай праслаўляе імя Тваё, Пане.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Мінае ўжо дзевятая гадзіна,
таму з пакораю спявайма Пану.
З адданаю душою, шчырым сэрцам
праславім Бога ў Найсвяцейшай Тройцы.

Прымаючы святую таямніцу,
яе ў чыстым сэрцы захаваем.
Яе адкрыў для ўсіх Пётр у святыні
праз цуды – знак збаўлення нам ад Пана.

Таму далучым розум свой і волю
да сведчання і да вучэння
Апосталаў, што ў імя Хрыстова
вядуць нас Яго моцай да збаўлення.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Збаў нас, Хрыстэ Адкупіцель, праз свой крыж; * паміраючы, Ты знішчыў нашую смерць, / а праз сваё ўваскрасенне даў нам жыццё.

Псальм 119 (118), 129-136
ХVІІ (Пэ)
Разважанне над Божым словам, змешчаным у Законе

Любоў ёсць выкананнем Закону (Рым 13, 10)

Цудоўныя сведчанні Твае, *
таму захоўвае іх душа мая.

Адкрыццё словаў Тваіх асвятляе *
і дае разуменне простым.

Адкрываю вусны мае і ўздыхаю, *
бо прагну запаведзяў Тваіх.

Паглядзі на мяне і змілуйся нада мною, *
як робіш тым, хто любіць Тваё імя.

Умацуй мае крокі Тваім словам, *
няхай не пануе нада мною ніякае беззаконне.

Уратуй мяне ад чалавечага насілля, *
і я буду захоўваць Твае наказы.

Пакажы слугу Твайму святло свайго аблічча *
і навучы мяне Тваім пастановам.

Патокі слёз ліюцца з маіх вачэй, *
бо не захоўваюць Твой закон.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Збаў нас, Хрыстэ Адкупіцель, праз свой крыж; * паміраючы, Ты знішчыў нашую смерць, / а праз сваё ўваскрасенне даў нам жыццё.

Псальм 82 (81)
Супраць несправядлівых суддзяў

Не судзіце заўчасна, пакуль не прыйдзе Пан (1 Кар 4, 5)

Бог стаіць на Божым сходзе, *
сярод багоў здзяйсняе суд.

Дакуль будзеце судзіць несправядліва *
і падтрымліваць беззаконных.

Рассудзіце беднага і сірату, *
апраўдайце прыгнечанага і ўбогага.

Вызваляйце беднага і ўбогага, *
вырывайце з рук бязбожных.

Яны не ведаюць і не разумеюць, †
ходзяць у цемры; *
пахіснуліся ўсе падмуркі зямлі.

Я сказаў: «Вы – багі, *
і ўсе вы – сыны Найвышэйшага».

Але вы памрэце, як людзі, *
паўпадаеце, як кожны з вяльможаў.

Паўстань, о Божа, каб судзіць зямлю, *
бо Твая спадчына – усе народы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 120 (119)
Туга па спакоі

Ва ўціску будзьце цярплівыя, у малітве – трывалыя (Рым 12, 12)

Да Пана ўсклікаў я ў сваёй нядолі, *
і Ён пачуў мяне.

Пане, уратуй маё жыццё †
ад ілжывых вуснаў, *
ад падступнага языка.

Што дасць табе і што дадасць табе *
падступны язык?

Вострыя стрэлы ваяра, *
з ядлоўцу гарачыя вуглі.

Гора мне, што я знаходжуся ў Мэшэх, *
што жыву ў шатрах Кедара!

Занадта доўга мая душа была з тымі, *
хто ненавідзіць спакой.

Я – міралюбны, *
а толькі прамоўлю, яны – за вайну.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне 1 П 1, 18-19

Не тленным серабром ці золатам адкуплены вы ад марнага жыцця, дадзенага вам айцамі, але каштоўнаю крывёю Хрыста як беззаганнага і чыстага Баранка. 

К. Знак крыжа з’явіцца на небе.

Н. Калі Пан прыйдзе судзіць жывых і памерлых.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Штандары Караля ўзняты,
І ззяе славай крыж хвалебны.
На ім у целе чалавечым
Вісіць Стварыцель чалавека.

Вось на крыжы варожай дзідай
Яму прабілі бок і сэрца.
Адкуль вада і кроў сплывае,
Каб грэшнікаў абмыць з правінаў.

О найцудоўнейшае дрэва,
Аздоблена крыві пурпурай,
Бо на сабе яно трымала
Святое цела Бога-Збаўцы.

Шчаслівы крыж, якога плечы
Узносяць адкупленне свету;
Як быццам шалi, справядліва
Здабычу ў пекла адабралі.

Вітай, ахвярнік праслаўлёны,
І будзь узвышаны навекі,
Бо на табе Жыццё памерла,
Каб цераз смерць зноў адрадзіцца.

О крыж, адзіная надзея,
Няхай цябе народы славяць.
Дай ласку верным і пабожным,
А грэшнікам прабач правіны.

О Божа ў Тройцы, недасяжны,
Крыніца нашага збаўлення;
Праз крыж адкупленых Табою
Ўмацоўвай ласкай назаўсёды. Амэн.

ПСАЛЬМОДЫЯ

1 ант. О вялікая таямніца любові! * Смерць была пераможана, / калі на дрэве крыжа памерла Жыццё.

Псальм 110 (109), 1-5. 7

Пан сказаў майму Пану: *
«Сядай праваруч Мяне,

пакуль не пакладу ворагаў Тваіх *
да падножжа Твайго».

Жазло сілы Тваёй *
спашле Пан з Сіёна;

будзеш валадарыць *
сярод ворагаў Тваіх.

З Табою панаванне ў дзень Тваёй моцы, †
у бляску святасці, *
з улоння перад світаннем нарадзіў Цябе.

Пан прысягнуў і не пашкадуе: *
«Ты святар навекі на ўзор Мэльхізэдэка».

Пан праваруч Цябе, *
разаб’е каралёў у дзень гневу свайго.

Па дарозе нап’ецца з патоку, *
таму падыме галаву.

1 ант. О вялікая таямніца любові! * Смерць была пераможана, / калі на дрэве крыжа памерла Жыццё.

2 ант. Ушаноўваем Твой крыж, Пане, * услаўляем Тваю муку; / Ты цярпеў за нас ад ранаў, / змілуйся над намі. 

Псальм 116, 10-19 (115) 

Я верыў нават тады, калі казаў: *
«Я моцна прыгнечаны».

Я сказаў у боязі сваёй: *
«Кожны чалавек – ілгун».

Чым аддзячу я Пану *
за ўсе Яго дабрадзействы для мяне?

Келіх збаўлення ўзніму *
і буду заклікаць імя Пана. 

Выканаю свае абяцанні для Пана *
перад усім Яго народам.

Каштоўная ў вачах Пана *
смерць Яго святых.

Пане, я Твой слуга, †
Я слуга Твой, сын слугі Тваёй, *
Ты разарваў мае кайданы.

Я прынясу Табе ахвяру хвалы *
і буду заклікаць імя Пана.

Выканаю свае абяцанні для Пана *
перад усім Яго народам.

У дварах дома Пана, *
сярод цябе, Ерузалем.

2 ант. Ушаноўваем Твой крыж, Пане, * услаўляем Тваю муку; / Ты цярпеў за нас ад ранаў, / змілуйся над намі. 

3 ант. Кланяемся Табе, Хрыстэ, і благаслаўляем Цябе, * бо праз крыж свой свет адкупіў Ты.

Песня Ап 4, 11; 5, 9. 10. 12

Ты, Пане і наш Божа, *
годны прыняць славу і пашану, і сілу, 

бо Ты стварыў усё, *
і з Тваёй волі існавала і было створана. 

Ты годны ўзяць кнігу *
і зняць з яе пячаткі,

бо Ты быў забіты †
і сваёй крывёю Ты адкупіў нас для Бога *
з кожнага роду, і мовы, і племені, і народу,

і зрабіў нас валадарствам і святарамі для Бога нашага, *
і мы будзем валадарыць на зямлі.

Забіты Баранак †
годны прыняць моц, і багацце, і мудрасць, *
і сілу, і пашану, і хвалу, і благаслаўленне.

3 ант. Кланяемся Табе, Хрыстэ, і благаслаўляем Цябе, * бо праз крыж свой свет адкупіў Ты.

Кароткае чытанне 1 Кар 1, 23-24

Мы ж абвяшчаем Хрыста ўкрыжаванага, які для юдэяў – згаршэнне, для язычнікаў – глупства, а для тых, хто пакліканы, юдэяў і грэкаў, Ён – Хрыстус, Божая моц і Божая мудрасць.

Кароткі рэспансорый
К. О хвалебны крыж, * на табе трыумфуе Кароль анёлаў.
Н. О хвалебны.
К. Сваёй крывёю змыў правіны нашыя.
Н. На табе.
К. Хвала Айцу.
Н. О хвалебны.

ПЕСНЯ З ЕВАНГЕЛЛЯ

Ант. да песні Марыі: О перамога крыжа * і цудоўны знак, / дазволь нам пераможцамі ўвайсці ў Нябеснае Валадарства. 

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: О перамога крыжа * і цудоўны знак, / дазволь нам пераможцамі ўвайсці ў Нябеснае Валадарства. 

ПРОСЬБЫ

З даверам просім нашага Збаўцу, які праз свой крыж адкупіў нас:

Праз крыж Твой, Пане, прывядзі нас у сваё Валадарства.

Хрыстэ, Ты прынізіў сябе, прыняўшы постаць слугі і прыпадобніўшыся да людзей,

– няхай члены Касцёла прыпадобняцца да Цябе ў пакоры.

Хрыстэ, Ты прынізіў сябе, будучы паслухмяным ажно да смерці крыжовай,

– адары сваіх слугаў ласкай паслухмянасці і цярплівасці.

Хрыстэ, Ты быў узвышаны Богам і прыняў імя па-над усялякае імя,

– адары сваіх верных ласкаю вытрываласці аж да канца.

Хрыстэ, на Тваё імя схіляецца кожнае калена стварэнняў нябесных, зямных і падземных,

– улі любоў у сэрцы людзей, каб яны праслаўлялі Цябе ў спакоі.

Хрыстэ, кожны язык вызнае дзеля хвалы Бога Айца, што Ты ёсць Панам, 

– прымі нашых памерлых у валадарства вечнага шчасця.

Ойча наш.

МАЛІТВА

Спрадвечны Божа, Ты паслаў на свет свайго Адзінароднага Сына, каб праз Яго смерць на крыжы ўсе людзі атрымалі збаўленне, учыні, каб мы на зямлі глыбей пазналі таямніцу адкуплення і былі годныя атрымаць яе плён у небе. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

Цябе, Стварыцель сусвету,
Калі наступае змярканне,
З надзеяй ласкава просім:
Абараняй нас ад злога.

Напоўні сабой нашы сэрцы,
Няхай Цябе ноччу адчуюць.
Калі ж іх світанне абудзіць,
Няхай Цябе славяць у песні.

Хай цела адчуе бадзёрасць,
І дух хай абновіць натхненне.
А цемру начную асветліць
Твая незнішчальная яснасць.

Дай гэта нам, Ойча найлепшы,
Праз Езуса, нашага Пана,
Які валадарыць з Табою
І з Духам цяпер і навекі. Амэн.

ПСАЛЬМОДЫЯ

Ант. Пане Божа, * Ты шматміласцівы і доўгацярплівы.

Псальм 86 (85)
Малітва беднага ў нядолі

Благаслаўлёны Бог, які суцяшае нас ва ўсякім смутку нашым (2 Кар 1, 3. 4)

Cхілі, Пане, сваё вуха і выслухай мяне, *
бо я бедны і ўбогі.

Захавай маю душу, бо я пабожны, †
збаў, мой Божа, Твайго слугу, *
які на Цябе спадзяецца.

Змілуйся нада мною, Пане, *
бо ўвесь дзень Цябе я клічу.

Узрадуй душу слугі Твайго, *
бо да Цябе, Пане, я ўзношу сваю душу.

Бо Ты, Пане, добры і выбачлівы, *
шматміласцівы да ўсіх, хто Цябе заклікае.

Пачуй, Пане, малітву маю, *
прыслухайся да голасу майго малення.

У дзень маёй нядолі я паклічу Цябе, *
бо Ты мне адкажаш.

Сярод багоў няма падобных да Цябе, Пане; *
няма нічога такога, як Твае справы.

Усе народы, створаныя Табою, †
прыйдуць і паклоняцца перад Тваім абліччам, Пане, *
і будуць праслаўляць імя Тваё.

Бо Ты вялікі і чыніш цуды, *
Ты – Бог, Ты адзіны.

Навучы мяне, Пане, шляху Твайму, †
каб хадзіў я ў праўдзе Тваёй; *
умацуй сэрца маё ў боязі перад іменем Тваім.

І буду ўсім сэрцам сваім †
славіць Цябе, Пане Божа мой, *
імя Тваё буду праслаўляць вечна.

Бо вялікая нада мною Твая міласэрнасць, *
Ты вызваліў душу маю з бяздоння адхлані.

Божа, узбунтаваліся супраць мяне ганарлівыя, †
і зграя пераследнікаў шукае майго жыцця, *
і не зважаюць яны на Цябе.

Але Ты, Пане, Бог міласэрны і ласкавы, *
шматміласцівы, доўгацярплівы і верны.

Паглядзі на мяне і змілуйся нада мною. †
Дай сілу Тваю слугу Твайму, *
уратуй сына сваёй слугі.

Пакажы на мне знак Тваёй дабрыні, *
каб убачылі гэта і тыя, што мяне ненавідзяць,

каб асаромеліся, *
бо Ты, Пане, дапамог мне і суцешыў мяне.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Пане Божа, * Ты шматміласцівы і доўгацярплівы.

КАРОТКАЕ ЧЫТАННЕ 1 Тэс 5, 9-10
Бог прызначыў нас для атрымання збаўлення праз нашага Пана Езуса Хрыста, які памёр за нас, каб мы, жывыя ці мёртвыя, жылі разам з Ім.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане, дай нам збаўчы спакой і ўчыні, каб зерне нашай сённяшняй працы дало плён у вечнасці. Праз Хрыста, Пана нашага. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.